വെബ് സീരിസിൽ നായകനാകാൻ ഒരുങ്ങി തെലുങ്ക് സൂപ്പര്‍ സ്റ്റാര്‍ ചിരഞ്ജീവി. മകള്‍ സുഷ്മിത കൊനിഡെല്ല ഒരുക്കുന്ന വെബ്‌സീരിസില്‍ താരം നായകനായി എത്തും എന്നാണ് പുതിയ റിപ്പോർട്ടുകൾ.
പദ്ധതികള്‍ എല്ലാം ശരിയായി നടക്കുകയാണെങ്കില്‍ ലോക്ഡൗണിന് ശേഷം താൻ ഒരു വെബ് സീരിസില്‍ പ്രവര്‍ത്തിക്കും എന്ന് ചിരഞ്ജീവി ഒരു അഭിമുഖത്തില്‍ പറഞ്ഞു. സുഷ്മിതയാകട്ടെ താന്‍ ഒരുക്കുന്ന വെബ് സീരിസിലേക്ക് നായകനെ തേടുന്ന തിരക്കിലുമാണ്. ഇതോടെ ചിരഞ്ജീവി ഡിജിറ്റല്‍ രംഗത്തേക്കെത്തുകയാണെന്ന വാർത്തകളും എത്തി.
കൊരട്ടാല ശിവ ഒരുക്കുന്ന ‘ആചാര്യ’ ആണ് താരത്തിന്റെ ഏറ്റവും പുതിയ സിനിമ. കാജല്‍ അഗര്‍വാള്‍, രാം ചരണ്‍ എന്നിവരും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രം ലോക്ഡൗണിനെ തുടര്‍ന്ന് ചിത്രീകരണം നിർത്തിവച്ചിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
