ജേക്കബ് ഗ്രിഗറിയെ നായകനാക്കി ദുൽഖർ സൽമാൻ നിർമിക്കുന്ന 'മണിയറയിലെ അശോകൻ' ഓൺലൈൻ റിലീസിന്. ഓണം റിലീസായി നെറ്റ്ഫ്ലിക്സിലൂടെയാണ് സിനിമ എത്തുന്നത്. തിരുവോണനാളായ അഗസ്റ്റ് 31 ന് ചിത്രം റിലീസ് ചെയ്യുമെന്ന് നെറ്റ്ഫ്ലിക്സ് ഔദ്യോഗിക പ്രഖ്യാപനം നടത്തി.
ഗ്രിഗറിയുടെ നായികയായി തെന്നിന്ത്യൻ സുന്ദരി അനുപമ പരമേശ്വരൻ എത്തുന്ന ചിത്രം വേ ഫെയറർ ഫിലിംസിന്റെ ബാനറിൽ ദുൽഖറാണ് നിർമിക്കുന്നത്. ഷംസു സായ്ബ സംവിധാനം ചെയ്യുന്ന ചിത്രത്തിൽ സഹസംവിധായകയുടെ റോളിലും അനുപമ എത്തുന്നുണ്ട്.
സസ്പെൻസ് നിറഞ്ഞ നാട്ടിൻപുറത്തുകാരനായ അശോകന്റെ പ്രണയവും കല്യാണവും ആദ്യരാത്രിയുമെല്ലാമാണ് ചിത്രത്തിൽ പറയുന്നത്. ഷൈൻ ടോം ചാക്കോ, കൃഷ്ണശങ്കർ, വിജയരാഘവൻ, ഇന്ദ്രൻസ്, സുധീഷ്, ശ്രീലക്ഷ്മി, നയന, ശ്രീദ ശിവദാസ് എന്നിങ്ങനെ വലിയൊരു താരനിര തന്നെ ചിത്രത്തിൽ അണിനിരക്കുന്നു. വിനീത് കൃഷ്ണനാണ് തിരക്കഥ, സജാദ് കാക്കു ഛായാഗ്രഹണവും ശ്രീഹരി കെ നായർ സംഗീതവും ഒരുക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ