നടി ജൂഹി രുസ്തഗി ഭാവി വരനും മോഡലുമായ റോവിൻ ജോർജുമായി വേർപിരിഞ്ഞു എന്ന തരത്തിലുള്ള വാർത്തകൾ അടുത്തിടെ ശക്തമായിരുന്നു. റോവിനൊപ്പമുള്ള ചിത്രങ്ങൾ ജൂഹി ഇൻസ്റ്റഗ്രാമിൽ നിന്ന് നീക്കം ചെയ്തതോടെയാണ് അഭ്യൂഹം ശക്തമായത്. എന്നാൽ എല്ലാ വാർത്തകളേയും കാറ്റിൽ പറത്തിക്കൊണ്ട് തന്റെ പുതിയ വിഡിയോയുമായി എത്തിയിരിക്കുകയാണ് ജൂഹി. റോവിനൊപ്പമുള്ള യാത്രാവിശേഷങ്ങളുടെ പ്രമോ വിഡിയോ ആണ് താരം പങ്കുവെച്ചത്.
വയനാട് കുറുമ്പലക്കോട്ടയിലേക്ക് റോവിനൊപ്പം ജൂഹി യാത്ര പോയത്. യാത്രാ വിശേഷങ്ങളുമായുള്ള വിഡിയോ വരുന്നുണ്ട് എന്ന് വ്യക്തമാക്കിക്കൊണ്ടാണ് പ്രമോ എത്തിയത്. തന്റെ യൂട്യൂബ് ചാനലായ പെര്ഫെക്ട് സ്ട്രേഞ്ചേഴ്സിലൂടെയാണ് വിഡിയോ പങ്കുവച്ചത്. കുറുമ്പലക്കോട്ടയുടെ സൗന്ദര്യം മുഴുവനും വിഡിയോയിൽ പകർത്തിയിട്ടുണ്ട്.
ഉപ്പും മുളക് എന്ന സീരിയലിലെ ലച്ചുവായി എത്തിയാണ് ജൂഹി രുസ്തഗി പ്രേക്ഷക ഹൃദയത്തില് ഇടം നേടിയത്. സീരിയൽ വിട്ട താരം ട്രാവൽ ബ്ലോഗ് തുടങ്ങുന്നതിനെക്കുറിച്ച് വ്യക്തമാക്കിയിരുന്നു. ജൂഹിയും ഡോക്ടര് റോവിനും പ്രണയത്തിലാണെന്ന ഗോസിപ്പുകള് നിരവധി തവണ പ്രചരിച്ചിരുന്നു. ഇരുവരും ഒരുമിച്ചുള്ള ചിത്രങ്ങളും വൈറലായി മാറി. ഇരുവരുടെയും വിവാഹം വീട്ടുകാർ ഉറപ്പിച്ചതായും വാർത്തകൾ വന്നിരുന്നു. ഉപ്പും മുളകിന്റെ സംവിധായകരിലൊരാളായ സിനു എസ്.ജെ. ആദ്യമായി സംവിധാനം ചെയ്യുന്ന സിനിമയുടെ പൂജ ചടങ്ങിലും ഇരുവരും ഒരുമിച്ചായിരുന്നു എത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ