ബോളിവുഡിന്റെ ക്യൂട്ട് സുന്ദരി എന്നാണ് നടി ആലിയ ഭട്ടിനെ ആരാധകർ വിശേഷിപ്പിക്കുന്നത്. ആലിയയുടെ ക്യൂട്ട് ചിരിയും, സംസാരവും, വേഷവുമൊക്കെയാണ് താരത്തിന് ഈ വിളിപ്പേര് നേടിക്കൊടുത്തത്. ഇപ്പോഴിതാ ലാവെൻഡർ നിറത്തിലെ മിനി ഡ്രെസ് ധരിച്ച് ചിക് ലുക്കിലെത്തി താരം വീണ്ടും ഈ വിശേഷണങ്ങൾ സ്വന്തമാക്കുകയാണ്.
മുംബൈയിൽ ഒരു സിനിമയുടെ പ്രത്യേക പ്രദർശനത്തിന് എത്തിയതായിരുന്നു താരം. വി ഷെയിപ്പിലുള്ള നെക്ക്ലൈനും അരയിലെ കെട്ടുമായിരുന്നു ഈ മിനി ഡ്രസ്സിന്റെ പ്രധാന ആകർഷണം. ഫുൾ സ്ലീവ് ഡ്രസ്സിൽ വളരെ സ്റ്റൈലിഷായാണ് ആലിയ പരിപാടിയിൽ പങ്കെടുത്തത്.
സെലിബ്രിറ്റികൾ തിരഞ്ഞെടുക്കുന്ന വസ്ത്രങ്ങൾ എത്ര സിംപിളാണെങ്കിലും അവയ്ക്ക് ഞെട്ടിക്കുന്ന വില കേൾക്കുന്നതാണ് പതിവ്. പ്രമുഖ ബ്രാൻഡുകളുടെ വസ്ത്രങ്ങൾ തിരഞ്ഞെടുക്കുന്നത് കൊണ്ടുതന്നെ പലപ്പോഴും ഇവർ ധരിച്ച വസ്ത്രത്തിന്റെ വില അന്വേഷിച്ചുപോയാൽ ആരാധകർ നിരാശരാകാറുണ്ട്. എന്നാൽ ആലിയയുടെ ഈ സമ്മർ ഡ്രസ്സ് ഈ പതിവ് തെറ്റിച്ചിരിക്കുകയാണ്. 5000 രൂപയാണ് ഡ്രസ്സിന്റെ വില.
കഴിത്തിലും കാതിലും ആഭരണങ്ങളൊന്നും അണിയാതെ കൈയിൽ ഒരു സ്റ്റേറ്റ്മെന്റ് മോതിരത്തിൽ ആക്സസറീസ് ഒതുക്കുകയായിരുന്നു താരം. ലാവെൻഡർ ഡ്രസ്സിനൊപ്പം ഇളം പച്ച നിറത്തിലെ ഹീൽസ് തിരഞ്ഞെടുത്തത് ഫാഷൻ ലോകത്തിന്റെ ശ്രദ്ധ നേടി. ഇരുവശത്തേയ്ക്കുമായി പകുത്തിട്ട ഹെയർ സ്റ്റൈലും പിങ്ക് സോഫ്റ്റ് ടോൺ മേക്കപ്പും ലുക്ക് പൂർണ്ണമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
