ഇരുപത് വര്ഷം മുന്പ് ബോളിവുഡ് കിംഗ് ഖാന് ഷാറൂഖും ഭാര്യ ഗൗരിയും ഒന്നിച്ചുള്ള ഒരു ഹോളി ആഘോഷത്തിന്റെ വിഡിയോ ആണ് ഇപ്പോള് സമൂഹമാധ്യമങ്ങളില് വൈറലാകുന്നത്. സംവിധായകന് സുഭാഷ് ഗായ് ഒരുക്കിയ ഹോളി പാര്ട്ടിക്കിടെ പകര്ത്തിയ വിഡിയോ ആണ് ഇത്. മറ്റ് ബോളിവുഡ് താരങ്ങള്ക്കൊപ്പം ഹോളി ആഘോഷത്തില് മുഴുകിയിരിക്കുന്ന ഷാറൂഖിനെയും ഗൗരിയെയുമാണ് വിഡിയോയില് കാണാന് കഴിയുക.
കളര് വെള്ളം നിറച്ച ഒരു പൂളിലേക്ക് ഷാറൂഖിനെ സുഹൃത്തുക്കള് ചേര്ന്ന് ഇറക്കുന്നത് കാണാം. പിന്നീട് ഗൗരിയെയും ഇതേ പൂളിലേക്ക് ഷാറൂഖ് നിര്ബന്ധിച്ച് ഇറക്കുന്നുണ്ട്. മുഖത്തുപോലും ചായത്തില് കുളിച്ചാണ് ഇരുവരുടെയും നില്പ്പ്. ആഘോഷങ്ങള്ക്കിടയില് സ്വയം മറന്ന് നൃത്തം ചെയ്യുകയാണ് എസ്ആര്കെയും ഗൗരിയും.
പഴയ ആഘോഷത്തിന്റെ ഓര്മ്മയില് സുഭാഷ് തന്നെയാണ് വിഡിയോ പങ്കുവച്ചിരിക്കുന്നത്. എന്തുതന്നെയായാലും വീണ്ടുമൊരു ഹോളി ദിനത്തില് ഈ ത്രോബാക്ക് വിഡിയോ ഏറ്റെടുത്തിരിക്കുകയാണ് ഷാറൂഖ് ആരാധകര്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ