സിനിമയില് അവസരം നല്കാമെന്ന് പറഞ്ഞ് ലൈംഗിക ബന്ധത്തിനായി നിര്ബന്ധിച്ചുവെന്ന ആരോപണവുമായി ടിക് ടോക് താരം. തമിഴ്നാട്ടില് ഏറെ ആരാധകരുള്ള ഇലാക്കിയ എന്ന പെണ്കുട്ടിയാണ് ഒരു അഭിമുഖത്തില് വെളിപ്പെടുത്തലുമായി രംഗത്ത് വന്നത്.
സിനിമയില് അവസരം നല്കാമെന്ന് പറഞ്ഞ് ചില സംവിധായകര് തന്നെ കബളിപ്പിച്ചുവെന്നാണ് ഇലാക്കിയ പറയുന്നത്. ''സിനിമയിലെ കാസ്റ്റിങ് കൗച്ച് യാഥാര്ഥ്യമാണ്. വഴങ്ങിക്കൊടുക്കാന് തയ്യാറുള്ളവരെ അവര് നായികമാരാക്കും. സിനിമയില് അഭിനയിക്കാന് താത്പര്യമുള്ള പെണ്കുട്ടികള്ക്ക് ഞാന് മുന്നറിയിപ്പ് നല്കുന്നു''- ഇലാക്കിയ വ്യക്തമാക്കി.
ടിക് ടോക്കില് ഗ്ലാമര് വീഡിയോകളിലൂടെയാണ് ഇലാക്കിയ പ്രശസ്തയായത്. യോഗി ബാബു നായകനായ സോംബി എന്ന ചിത്രത്തില് ഒരു ചെറിയ കഥാപാത്രത്തെ ഇലാക്കിയ അവതരിപ്പിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ