ഫാസില് സംവിധാനം ചെയ്ത മലയാളത്തിലെ സൂപ്പർഹിറ്റ് ചിത്രം മണിചിത്രത്താഴിന്റെ തമിഴ് റീമേക്കാണ് ചന്ദ്രമുഖി. സൂപ്പര്സ്റ്റാര് രജനികാന്ത് നായകനായ ചിത്രത്തിന്റെ രണ്ടാം ഭാഗം അണിയറയിൽ ഒരുങ്ങുന്നു എന്നതരത്തിൽ വാർത്തകൾ വന്നിരുന്നു. ചന്ദ്രമുഖി 2 എന്നാണ് രണ്ടാം ഭാഗത്തിന് പേരിട്ടിരിക്കുന്നത്.
പി വാസു തന്നെയാണ് ചിത്രത്തിന്റെ രണ്ടാം ഭാഗവും സംവിധാനം ചെയ്യുന്നത്. സിനിമയിലെ കഥാപാത്രങ്ങളായ വെട്ടയന്റെയും ചന്ദ്രമുഖിയുടെയും പിന്നാമ്പുറ കഥകളാണ് രണ്ടാം ഭാഗത്തിന്റെ ഇതിവൃത്തമെന്ന് സംവിധായകന് ഒരു സ്വാകര്യ ചാനലിന് നല്കിയ അഭിമുഖത്തില് പറയുന്നു. ആദ്യഭാഗത്തിൽ രജനീകാന്ത് അവതരിപ്പിച്ച വെട്ടയൻ എന്ന കഥാപാത്രത്തെ സംവിധായകനും നടനുമായ രാഘവ ലോറന്സാണ് ചെയ്യുന്നതെന്ന് അദ്ദേഹം അഭിമുഖത്തിൽ പറഞ്ഞു.
രണ്ടാം ഭാഗത്തില് രജനികാന്ത് മനോരോഗവിദ്ഗധന്റെ വേഷം ചെയ്യുന്നുണ്ടെന്ന തരത്തിലും റിപ്പോർട്ടുകൾ പ്രചരിക്കുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ