തെന്നിന്ത്യൻ സൂപ്പർതാരം റാണ ദഗുബാട്ടിയുടെ വിവാഹത്തിയതി പുറത്തുവിട്ടു ആഗസ്റ്റ് 8 നാണ് റാണയും മിഹീക ബജാജും തമ്മിലുള്ള വിവാഹം. റാണയുടെ പിതാവും നിർമാതാവുമായ സുരേഷ് ദഗുബാട്ടിയാണ് വിവാഹ തിയ്യതി പുറത്ത് വിട്ടത്. അടുത്ത കുടുംബാംഗങ്ങൾ മാത്രമായിരിക്കും വിവാഹചടങ്ങിൽ പങ്കെടുക്കുകയെന്നാണ് ഇപ്പോൾ ലഭിക്കുന്ന വിവരം. നിലവിലെ സാഹചര്യത്തിൽ വിവാഹ സൽക്കാരം സംബന്ധിച്ച് തീരുമാനം എടുത്തിട്ടില്ല.
അടുത്തിടെയാണ് താരം പ്രണയിനിയെ ആരാധകർക്ക് പരിചയപ്പെടുത്തി രംഗത്തെത്തിയത്. മഹീകയ്ക്കൊപ്പമുള്ള ചിത്രം പങ്കുവച്ചുകൊണ്ടാണ് റാണ പ്രണയവാർത്ത പുറത്തുവിട്ടത്. പിന്നാലെ ഇരുവരുടെയും പ്രീ എൻഗേജ്മെന്റ് ചിത്രങ്ങളും പുറത്തുവന്നിരുന്നു. വിവാഹത്തിന് മുന്നോടിയായുള്ള റോക്ക ചടങ്ങുകൾ ഹെെദരാബാദിൽ വച്ചാണ് നടന്നത്.
വ്യവസായി സുരേഷ് ബജാജിന്റെയും ജുവല്ലറി ഡിസെെനറുമായ ബണ്ടി ബജാജിന്റെയും മകളാണ് മിഹീക.ഡ്യൂ ഡ്രോപ് ഡിസൈൻ സ്റ്റുഡിയോ എന്ന ഡിസൈൻ സ്ഥാപനം നടത്തുകയാണ് ഹൈദരാബാദ് സ്വദേശിയായ മിഹീഖ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
