കൃത്യമായ ഫാഷൻ സെൻസ് ഉള്ള സിനിമാതാരങ്ങളിൽ ഒരാളാണ് നടി സാമന്ത. നടിയുടെ സ്റ്റൈൽ സ്റ്റേറ്റ്മെന്റുകൾ പലപ്പോഴും ആരാധകരുടെ കൈയടി നേടുകയും നിരവധിപ്പേർ അനുകരിക്കുകയും ചെയ്തിട്ടുള്ളതാണ്. ഇപ്പോഴിതാ നന്നായി വസ്ത്രം ധരിക്കാൻ മാത്രമല്ല അവ ഡിസൈൻ ചെയ്യാനും തനിക്ക് കഴിവുണ്ടെന്ന് തെളിയിച്ചിരിക്കുകയാണ് സാമന്ത.
അടുത്തിടെ ഒരു മാസികയുടെ ഫോട്ടോഷൂട്ടിനായി നടി ധരിച്ച സാരി സ്വന്തമായി ഡിസൈൻ ചെയ്തതാണ്. പീച്ച് നിറത്തിലുള്ള പോളി ചന്ദേരി സാരിയാണ് ഇത്. അടുത്തിടെ തുടങ്ങിയ സാഖി എന്ന സ്വന്തം ഫാഷൻ ലേബലിന് വേണ്ടിയാണ് സാമന്ത സാരി ഡിസൈൻ ചെയ്തത്.
സാരി ബോർഡറിലുടനീളം ഗോൾഡ് ലേസ് ചേർത്തിട്ടുണ്ട്. ഗോൾഡൻ ചെക്കുകളും സാരിയിലുടനീളമുണ്ട്. വെള്ള നിറത്തിലുള്ള ഹാഫ് സ്ലീവ് ലൂസ് ബ്ലൗസ് ആണ് മറ്റൊരാകർഷണം. ഡാർക്ക് പിങ്ക് പൈപ്പിങ് ബ്ലൗസിന് വ്യത്യസ്തത നൽകുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ