കരിപ്പൂർ വിമാനാപകടം സിനിമയാകുന്നു. മജീദ് മാറഞ്ചേരി തിരക്കഥ ഒരുക്കുന്ന ചിത്രം സംവിധാനം ചെയ്യുന്നത് മായ ആണ്. ‘കാലിക്കറ്റ് എക്സ്‌പ്രസ്’ എന്ന പേരിലാണ് ചിത്രം എത്തുന്നത്. മലയാളത്തിലെ പ്രമുഖ താരം ചിത്രത്തിൽ എത്തുമെന്ന് അണിയറ പ്രവർത്തകര്‍ പറയുന്നു. നൂറിൽപരം പുതുമുഖ താരങ്ങളും അണിനിരക്കും.
2021 ജനുവരിയിൽ ഷൂട്ട് തുടങ്ങി ഓഗസ്റ്റ് ആദ്യ വാരത്തിൽ സിനിമ റിലീസ് ചെയ്യാനാണ് തീരുമാനം. ടേക്ക് ഓഫ് സിനിമാസ് ആണ് നിർമാണം.
ഈ മാസം ഏഴാം തിയതി ആയിരുന്നു കേരളത്തെ ഞെട്ടിച്ച വിമാനപകടം. നടന്നത്. ദുബായിൽ നിന്ന് പുറപ്പെട്ട 1344 എയർ ഇന്ത്യ ദുബായ്-കോഴിക്കോട് വിമാനമാണ് കരിപ്പൂർ വിമാനത്താവളത്തിൽ അപകടത്തിൽപെട്ടത്. വിമാനത്തിന്റെ പൈലറ്റും സഹപൈലറ്റും ഉൾപ്പെടെ 18 പേരാണ് മരിച്ചത്. അപകടം സംഭവിച്ചെന്നറിഞ്ഞ് കോവിഡ് ഭീതി പോലും വകവയ്ക്കാതെ നാട്ടുകാരും സന്നദ്ധപ്രവർത്തകരും ചേർന്ന് നടത്തിയ രക്ഷാപ്രവർത്തനം മരണസംഖ്യ കുറയാൻ സഹായിച്ചു. രക്ഷാപ്രവര്‍ത്തനത്തില്‍ ഏര്‍പ്പെട്ട നിരവധിപ്പേർക്ക് പിന്നീട് വൈറസ് ബാധ സ്ഥിരീകരിക്കുകയുണ്ടായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
