ലൊസാഞ്ചലസ്: ജയിംസ് ബോണ്ട് സീരീസിൽ ഉപയോഗിച്ച് ആദ്യത്തെ തോക്ക് ലേലം ചെയ്തപ്പോൾ കിട്ടിയത് 1.79 കോടി രൂപ. അടുത്തിടെ അന്തരിച്ച ജയിംസ് ബോണ്ട് താരം ഷോൺ കോണറി ഉപയോഗിച്ച വാൾടർ പിസ്റ്റലാണു ലേലത്തിൽ വിറ്റത്. 1962 ൽ പുറത്തിറങ്ങിയ ആദ്യത്തെ ജയിംസ് ബോണ്ട് സിനിമയായ ‘ഡോ.നോ’യിലാണ് തോക്ക് ഉപയോഗിച്ചത്.
ലേലം നടത്തിയ ജൂലിയൻ ഓക്‌ഷൻസ് തോക്കിന് ഒരു കോടി രൂപയിൽ താഴെയാണു വില പ്രതീക്ഷിച്ചത്. ഹോളിവുഡ് ചരിത്രവസ്തുക്കളുടെ ലേലത്തുകയിലെ പുതിയ റെക്കോർഡ് ആണിത്.
‘ടോപ് ഗൺ’ സിനിമയിൽ ടോം ക്രൂസ് ഉപയോഗിച്ച ഹെൽമറ്റിന് 1.10 കോടി രൂപ ലേലത്തിൽ ലഭിച്ചു. ‘പൾപ് ഫിക്ഷനി’ൽ ബ്രൂസ് വില്ലിസ് ഉപയോഗിച്ച വാളിന് 26 ലക്ഷം രൂപയും കിട്ടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
