ലോക്ക്ഡൗൺ കാലത്ത് സോഷ്യൽ മീഡിയയിൽ ഏറെ സജീവമായിരുന്ന സിനിമാതാരങ്ങളിൽ ഒരാളാണ് നടി തൃഷ. എന്നാലിപ്പോൾ സോഷ്യൽ മീഡിയയോട് വിടപറയുകയാണെന്ന് പ്രഖ്യാപിച്ചിരിക്കുകാണ് താരം. താൽക്കാലികമായൊരു ബ്രേക്ക് എടുക്കുകയാണെന്നും ഉടൻ തിരിച്ചുവരുമെന്നുമാണ് തൃഷ ആരാധകരെ അറിയിച്ചിരിക്കുന്നത്.
ഇൻസ്റ്റഗ്രാം, ട്വിറ്റർ, ടിക് ടോക്ക് അടക്കമുള്ള പ്ലാറ്റ്ഫോമുകളിൽ ഏറെ സജീവമായിരുന്നു തൃഷ. എന്നാലിപ്പോൾ ഡിജിറ്റൽ ബ്രേക്കിന്റെ സമയമാണെന്ന് തിരിച്ചറിഞ്ഞതിനെത്തുടർന്നാണ് ഈ തീരുമാനം. താൻ ഡിജിറ്റൽ ഡിറ്റോക്സിൽ പോകുന്നതിന് പിന്നിൽ പ്രത്യേക കാരണങ്ങളൊന്നുമില്ലെന്നും തൃഷ വ്യക്തമാക്കി. കൊറോണ വൈറസിന്റെ പശ്ചാത്തലത്തിൽ എല്ലാവരും വീടുകളിൽ തന്നെ സുരക്ഷിതരായി തുടരണമെന്നും നടി ആരാധകരെ ഓർമ്മിപ്പിച്ചു.
‘വിണ്ണെത്താണ്ടി വരുവായ’ എന്ന ചിത്രത്തിന്റെ തുടർച്ചയായി ലോക്ക്ഡൗൺകാലത്ത് ഗൗതം മേനോൻ ഒരുക്കിയ ‘കാർത്തിക് ഡയൽ സെയ്ത യെന്നി’ൽ ആണ് ഒടുവിൽ പ്രേക്ഷകർ തൃഷയെ കണ്ടത്. 12 മിനിറ്റ് ദൈർഘ്യമുള്ള ഹ്രസ്വചിത്രത്തിൽ തൃഷയ്ക്ക് ഒപ്പം ചിമ്പുവും അഭിനയിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ