വിവാഹത്തിന്റെ ഒന്നാം വാർഷികം ആഘോഷിക്കുകയാണ് മലയാളത്തിന്റെ പ്രിയ താരദമ്പതികളായ പേളി മാണിയും ശ്രീനിഷ് അരവിന്ദും. പ്രണയത്തിലായ നിമിഷങ്ങളുടെയും വിവാഹശേഷമുള്ള നാളുകളിലെ ചിത്രങ്ങളും കോർത്തിണക്കി ഒരു വിഡിയോ പങ്കുവച്ചാണ് പേളി പങ്കാളിക്ക് ആശംസകൾ നേർന്നത്. ഭ്രാന്തമായി പ്രണയിക്കുമ്പോൾ സമയം അതിവേഗം കടന്നുപോകും എന്നാണ് പേളിയുടെ വാക്കുകൾ. മനോഹര നിമിഷങ്ങളുമായി ഒരു ജീവിതകാലം മുഴുവൻ തങ്ങൾക്കായി കാത്തിരിക്കുന്നു എന്നും പേളി കുറിച്ചു.
അവളുടെയും എന്റെയും ആത്മാവ് ഒന്നാണെന്ന് കുറിച്ച ശ്രീനിഷ് അന്നും ഇപ്പോഴും എന്നും പേളിയെ പ്രണയിക്കുന്നു എന്നും കുറിച്ചു.
പ്രമുഖ റിയാലിറ്റി ഷോയായ ബിഗ് ബോസിലൂടെ പരിചയപ്പെട്ട് പ്രണയത്തിലായ നടിയും അവതാരകയുമായ പേളിയുടെയും നടൻ ശ്രീനിഷിന്റെയും ബന്ധം ഏറെ ചര്‍ച്ചചെയ്യപ്പെട്ടതാണ്. ഷോ വിജയിക്കാനുള്ള തന്ത്രമായി ഇവരുടെ പ്രണയം വിമര്‍ശിക്കപ്പെട്ടിരുന്നെങ്കിലും ഇരുവരുടെയും വിവാഹത്തോടെ വിവാദങ്ങള്‍ക്ക് വിരാമമായി. പേർളിഷ് എന്ന ഹാഷ്ടാഗിൽ കൊണ്ടാടിയ ഇവരുടെ പ്രണയവും വിവാഹവുമെല്ലാം ആരാധകർ ആവേശത്തോടെ ആഘോഷമാക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
