ടൊവിനോ തോമസ് നായകനാകുന്ന ആഷിക് അബു ചിത്രം നാരദനിലേക്ക് അഭിനേതാക്കളെ ക്ഷണിച്ചിരിക്കുന്നു. 22നും 24വയസിനും ഇ‌ടയിൽ പ്രായം തോന്നിക്കുന്ന 50 യുവതീയുവാക്കൾക്കാണ് അവസരം. ചിത്രത്തിന്റെ ആദ്യ ഓഡിഷൻ കോൾ ആണിത്.
ചിത്രത്തിൽ അന്ന ബെൻ ആണ് നായിക. ഉണ്ണി ആർ ആണ് രചന നിർവഹിക്കുന്നത്. സന്തോഷ് കുരുവിളയും റിമാ കല്ലിങ്കലും ആഷിഖ് അബുവും ചേർന്നാണ് നിർമ്മാണം. മായാനദിക്കും വൈറസിനും ശേഷം ടൊവിനോ തോമസും ആഷിഖ് അബുവും ഒന്നിക്കുന്ന ചിത്രമാണ് 'നാരദൻ'. സിനിമയുടെ ഭാഗമാകാൻ താത്പര്യമുള്ളവർ casting@opmcinemas.com എന്ന മെയിൽ ഐഡിയിലേക്ക് വിവരങ്ങൾ അയച്ചുനൽകാനാണ് അറിയിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
