നിവിൻ പോളിയെ നായകനാക്കി എബ്രിഡ് ഷൈൻ സംവിധാനം ചെയ്യുന്ന പുതിയ ചിത്രത്തിലേക്ക് അഭിനേതാക്കളെ തേടുന്നു. 20–50 വയസ്സിനും ഇടയിലുള്ള സ്ത്രീ കഥാപാത്രങ്ങൾക്കും 30–55 വയസ്സിനും ഇടയിലുള്ള പുരുഷ കഥാപാത്രങ്ങളേയുമാണ് തേടുന്നത്. അഭിനയിക്കാൻ താൽപ്പര്യമുള്ളവർ ഡിസംബർ 15ന് മുൻപായി അപേക്ഷ അയക്കണം. നിവിൻ പോളി തന്നെയാണ് സോഷ്യൽ മിഡിയയിലൂടെ കാസ്റ്റിങ് കോൾ പുറത്തുവിട്ടത്.
മലയാളം നന്നായി വായിക്കാനും സംസാരിക്കാനും അറിയുന്നവർക്കാണ് അവസരം നൽകുന്നത്. നടകം പോലുള്ള മറ്റ് ദൃശ്യാവിഷ്കാരങ്ങളിൽ മികവ് തെളിയിച്ചിട്ടുള്ളവർ അത് അപേക്ഷയ്ക്കൊപ്പം രേഖപ്പെടുത്തണം. മേക്കപ്പ് ഇല്ലാത്ത ഫോട്ടോസ്, അഭിനയിച്ചതിന്റെ വിഡിയോസ് എന്നിവ യും ചേർത്തുവേണം അയക്കാൻ. ആൺകഥാപാത്രങ്ങള്‍ക്ക് abridmoviemaleactor@gmail.com എന്ന മെയിൽ ഐഡിയിലും സ്ത്രീകഥാപാത്രങ്ങൾക്ക് abridmoviefemaleactor@gmail.com എന്ന ഐഡിയിലുമാണ് മെയില്‍ അയയ്ക്കേണ്ടത്.
സൂപ്പർഹിറ്റ് ചിത്രം ആക്‌ഷന്‍ ഹിറോ ബിജുവിന് ശേഷം നിവിൻ പോളിയും എബ്രിഡ് ഷൈനും ഒന്നിക്കുന്ന സിനിമയാണിത്. പോളി ജൂനിയറിന്റെ ബാനറിൽ നിവിന്‍ പോളി തന്നെനിർമിക്കുന്ന ചിത്രത്തെക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
