ഗായത്രി സുരേഷും ശ്രീജിത്ത് രവിയും മുഖ്യവേഷത്തിലെത്തുന്ന '99 ക്രെെം ഡയറി'യുടെ ടീസർ പുറത്ത് വിട്ടു. പ്രശസ്ത സംവിധായകനും ഛായാഗ്രാഹകനുമായ ജിബു ജേക്കബിന്റെ സംവിധാന സഹായിയായിരുന്നു സിന്റോ സണ്ണിയാണ് ചിത്രം സംവിധാനം ചെയ്യുന്നത്. കുടിയേറ്റ പ്രദേശമായ രാജമലയിൽ 1999-ൽ നടന്ന നക്സൽ ആക്രമണവും തുടർന്നുണ്ടായ കൊലപാതങ്ങളുമാണ് ചിത്രത്തിന്റെ പശ്ചാത്തലം.
ജിബു ജേക്കബ് എന്റർടെെയ്ൻമെന്റ്സിന്റെ ബാനറിലാണ് ചിത്രം നിർമ്മിക്കുന്നത്. നക്സൽ ലൂയിയായി ശ്രീജിത്ത് രവി എത്തുമ്പോൾ ഗായത്രി പൊലീസ് കമ്മീഷണറുടെ വേഷത്തിലാണ് അഭിനയിക്കുന്നത്. വിപിൻ മംഗലശ്ശേരി, ഫർസാന തുടങ്ങിയവരും പ്രധാന കഥാപാത്രങ്ങളെ അവതരിക്കുന്നുണ്ട്.
നക്സൽ കാലഘട്ടം, പൊലിസ് അന്വേഷണം, കൊല്ലപ്പെടാനുള്ള അവസാന കണ്ണിയായ ചെറുപ്പക്കാരനും ഗ്രാമത്തിലെ പെൺകുട്ടിയുമായുള്ള പ്രണയം എന്നിങ്ങനെ നീങ്ങുന്നതാണ് ചിത്രത്തിന്റെ കഥാഗതി. കോവിഡ് കാലത്തെ സർക്കാർ മാനദണ്ഡങ്ങളെല്ലാം പാലിച്ചാണ് ചിത്രം പൂർത്തിയാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
