അന്തരിച്ച നടന് ചിരഞ്ജീവി സര്ജയ്ക്കും നടി മേഘ്ന രാജിനും ആണ്കുഞ്ഞ് പിറന്നു. ചിരഞ്ജീവിയുടെ സഹോദരന് ധ്രുവ സര്ജയാണ് സന്തോഷവാര്ത്ത ആരാധകരെ അറിയിച്ചത്. ഇന്ന് രാവിലെ ബാംഗളൂരുവിലെ സ്വകാര്യ ആശുപത്രിയിലായിരുന്നു പ്രസവം. അമ്മയും കുഞ്ഞും സുഖമായിരിക്കുന്നു.
കുഞ്ഞിന്റെ ചിത്രങ്ങളും പുറത്തുവന്നിട്ടുണ്ട്. ഡോക്ടര്മാരുടെ കയ്യില് നിന്ന് ധ്രുവ കുഞ്ഞിനെ ഏറ്റുവാങ്ങുന്നതിന്റേയും ചിരഞ്ജീവിയുടെ ചിത്രത്തിന് അരികെയിരിക്കുന്ന കുഞ്ഞിന്റേയും ചിത്രങ്ങളാണ് സോഷ്യല് മീഡിയയില് വൈറലാവുന്നത്. ഇക്കഴിഞ്ഞ ജൂണ് ഏഴിന് ഹൃദയാഘാതത്തെ തുടര്ന്നാണ് 36ാം വയസില് ചിരഞ്ജീവി സര്ജ വിടപറഞ്ഞത്. ചീരു മരിക്കുമ്പോള് മൂന്നു മാസം ഗര്ഭിണിയായിരുന്നു മേഘ്ന. അന്നു മുതല് ചീരുവിന്റെ കുഞ്ഞിനായുള്ള കാത്തിരിപ്പിലായിരുന്നു വീട്ടുകാരും ആരാധകരും.
ചിരഞ്ജീവിയുടെ മാതാപിതാക്കള്ക്കൊപ്പമാണ് മേഘ്ന ഇപ്പോള് താമസിക്കുന്നത്. കുറച്ച് ദിവസങ്ങള്ക്ക് മുന്പ് മേഘ്നയുടെ ബേബി ഷവര് വീട്ടുകാര് ആഘോഷമാക്കിയിരുന്നു. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചടങ്ങുകളുടെ ചിത്രങ്ങളും വീഡിയോകളും വൈറലായി മാറി. സഹോദരന്റെ കുഞ്ഞിനായി പത്ത് ലക്ഷം രൂപയുടെ വെള്ളിതൊട്ടിലാണ് ധ്രുവ ഒരുക്കിവച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ