പീഡന ആരോപണത്തിൽ സംവിധായകൻ അനുരാഗ് കശ്യപിന് പിന്തുണയുമായി നടി തപ്സി പന്നു. താൻ കണ്ടിട്ടുള്ളതിൽവച്ച് ഏറ്റവും വലിയ ഫെമിനിസ്റ്റാണ് അനുരാഗ് എന്നാണ് തപ്സി കുറിച്ചത്. ബോളിവുഡ് നടി പായല് ഘോഷാണ് അനുരാഗിനെതിരെ പീഡന ആരോപണം ഉന്നയിച്ചത്. സംഭവം വിവാദമായതോടെ ആരോപണം അടിസ്ഥാന രഹിതമാണെന്ന് വ്യക്തമാക്കിക്കൊണ്ട് അനുരാഗ് തന്നെ രംഗത്തെത്തിയിരുന്നു.
സിനിമ സെറ്റിൽ നിന്നുള്ള ചിത്രം പങ്കുവെച്ചാണ് തപ്സി നിലപാട് വ്യക്തമാക്കിയത്. അനുരാഗിന്റെ തോളിൽ കൈവച്ച് നടന്നുപോകുന്ന തപ്സിയാണ് ചിത്രത്തിൽ. ഇത് നിനക്കു വേണ്ടിയാണ്. ഞാന് കണ്ടിട്ടുള്ളവരില് വച്ച് ഏറ്റവും വലിയ ഫെമിനിസ്റ്റായ എന്റെ സുഹൃത്തിന്. നിങ്ങളുടെ മറ്റൊരു മികച്ച സൃഷ്ടിയുടെ സെറ്റില്വച്ച് ഉടന് കണ്ടുമുട്ടാം. അതിലൂടെ നിങ്ങള് രൂപം നല്കുന്ന ലോകത്തെ സ്ത്രീകള് എത്രത്തോളം ശക്തരാണെന്ന് കാണിക്കാം- തപ്സി കുറിച്ചു. അടുത്ത സുഹൃത്തുക്കളാണ് അനുരാഗ് കശ്യപും തപ്സിയും. സാന്ദ് കി ആങ്ക്, മന്മര്സിയാന് എന്നീ ചിത്രങ്ങളില് ഇരുവരും ഒരുമിച്ച് പ്രവര്ത്തിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ