കാലിഫോർണിയ; ഹോളിവുഡ് നടി പട്രീഷ്യ ഹിച്കോക്ക് അന്തരിച്ചു. 93 വയസായിരുന്നു. കാലിഫോര്‍ണിയയിലെ തൗസന്‍റ് ഓക്സില്‍ തിങ്കളാഴ്ചയായിരുന്നു അന്ത്യം. വിഖ്യാത സംവിധായകന്‍ ആല്‍ഫ്രഡ് ഹിച്കോക്കിന്റെ മകളാണ് പട്രീഷ്യ.
ഹിച്കോക്കിന്റെ സിനിമയിലൂടെയാണ് പട്രീഷ്യ അഭിനയത്തിലേക്ക് വരുന്നത്. 1950ൽ പുറത്തിറങ്ങിയ 'സ്റ്റേജ് ഫ്രൈറ്റ്'ആയിരുന്നു ആദ്യ ചിത്രം. ഹിച്കോക്കിന്റെ തന്നെ 'സ്ട്രേഞ്ചേഴ്സ് ഓണ്‍ എ ട്രെയിനി'ല്‍ പട്രീഷ്യ അവതരിപ്പിച്ച ബാര്‍ബറ മോര്‍ട്ടണ്‍ എന്ന കഥാപാത്രം ഏറെ പ്രേക്ഷകശ്രദ്ധ നേടിയിരുന്നു. സൈക്കോയിലും അഭിനയിച്ചു. ദി കേസ് ഓഫ് തോമസ് പൈക്ക്, ദി മഡ്‍ലാര്‍ക്ക്, ദി ടെന്‍ കമാന്‍റ്മെന്‍റ്സ് എന്നീ ചിത്രങ്ങളിലും സസ്‍പെന്‍സ്, സസ്‍പീഷ്യന്‍, മൈ ലിറ്റിൽ മാർഗി, മാറ്റിനി തീയേറ്റർ, ദി ലൈഫ് ഓഫ് റൈലി തുടങ്ങിയ ടെലിവിഷന്‍ സിരീസുകളിലും അഭിനയിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
