ദീർഷനാളത്തെ പ്രണയത്തിന് ശേഷമാണ് നടി അവതാരകയുമായ എലീന പടിക്കലും രോഹിത് പ്രദീപും വിവാഹിതരായത്. ഹൈന്ദവ ആചാരപ്രകാരം ഇന്നലെ കോഴിക്കോട് വച്ചായിരുന്നു ഇരുവരുടെയും വിവാഹം. ഡാർക്ക് മെറൂൺ നിറത്തിലുള്ള കാഞ്ചീപുരം സാരിയാണ് വിവാഹത്തിന് എലീന ധരിച്ചത്.
കാഴ്ചയിൽ പതിവ് വിവാഹസാരിപോലെതന്നെ തോന്നുമെങ്കിലും ചില കൗതുകങ്ങൾ സാരിയിൽ ചേർത്തുവച്ചിട്ടുണ്ടെന്നതാണ് സത്യം. എലീനയുടെ അച്ഛന്റെയും അമ്മയുടെയും സന്ദേശമാണ് വിവാഹസാരിയുടെ പല്ലുവിൽ എഴുതി ചേർത്തിട്ടുണ്ട്. മകൾക്ക് നല്ലൊരു വിവാഹജീവിതം ആശംസിച്ച ഇവർ മകളെ മിസ് ചെയ്യുമെന്നും എന്നും സന്തോഷമായി ഇരിക്കാനുമാണ് കുറിച്ചിരിക്കുന്നത്. ഇതിനുപുറമേ സാരിയിലെ ഡിസൈനിൽ എലീനയുടെയും രോഹിത്തിന്റെയും ആദ്യാക്ഷരങ്ങൾ മുദ്ര ചെയ്തിട്ടുണ്ട്. കോട്ടയം സ്വദേശി ഫിലിപ്പോസ് പടിക്കലിന്റെയും ബിന്ദുവിന്റെയും ഏകമകളാണ് എലീന.
സുഹൃത്തായ ആര്യ നായരാണ് വിവാഹസാരി ഒരുക്കിയതെന്ന് എലീന പറഞ്ഞു. മോഷന്‍ പിക്‌ചേഴ്‌സ് ആണ് ചിത്രങ്ങൾ പകർത്തിയത്. പ്രമുഖ റിയാലിറ്റി ഷോയായ ബിഗ് ബോസ് സീസൺ 2വിലെ മത്സരാർത്ഥിയായിരുന്ന എലീന പരിപാടിക്കിടെ രോഹിത്തുമായുള്ള അടുപ്പത്തെക്കുറിച്ച് തുറന്നുപറഞ്ഞിരുന്നു. ഷോയിൽ നിന്ന പുറത്തെത്തിയതിന് പിന്നാലെയായിരുന്നു ഇവരുടെ വിവാഹനിശ്ചയവും മറ്റു ചടങ്ങുകളും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
