വിജയ് സേതുപതിയുടെ സംഘം ആക്രമിച്ചെന്നാരോപിച്ച് നടൻ മഹാ ഗാന്ധി നൽകിയ പരാതിയിൽ വിജയ്ക്കും മാനേജർ ജോൺസനും ചെന്നൈ സൈദാപേട്ട് കോടതിയുടെ സമൻസ്. ദേശീയ അവാർഡ് വാങ്ങി വിജയ് സേതുപതി മടങ്ങിയെത്തിയപ്പോഴാണ് പരാതിക്കാസ്പദമായ സംഭവമുണ്ടായത്. കേസിൽ ജനുവരി രണ്ടിന് വാദം കേൾക്കും.
നവംബർ 2ന് ദേശീയ അവാർഡ് വാങ്ങി ഡൽഹിയിൽ നിന്ന് വിജയ് സേതുപതി ചെന്നൈയിലേക്ക് മടങ്ങിയെത്തിയപ്പോൾ മഹാഗാന്ധിയും വിജയ് യുടെ സംഘവും തമ്മിൽ വഴക്കുണ്ടായി. വിമാനത്താവളത്തിനുള്ളിൽ വിജയിയെ ആക്രമിക്കാൻ മഹാഗാന്ധി ശ്രമിക്കുന്ന വീഡിയോ വൈറലായിരുന്നു. എന്നാൽ ഈ വിഷയത്തിൽ അന്ന് പരാതിയൊന്നും നൽകിയില്ല.
അതേസമയം നടനെ അഭിനന്ദിക്കാൻ ശ്രമിച്ചപ്പോൾ ഒപ്പമുണ്ടായിരുന്നയാൾ തന്നോട് പരിഹാസത്തോടെ സംസാരിച്ചുവെന്ന് മഹാഗാന്ധി പറഞ്ഞു. ഇതാണ് കാര്യങ്ങൾ വഷളാക്കിയതെന്നും വിമാനത്താവളത്തിന് പുറത്ത് ജോൺസൺ തന്നെ ആക്രമിച്ചുവെന്നും മഹാ ഗാന്ധി പരാതിയിൽ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ