മികച്ച അഭിനയത്തിലൂടെ മലയാളികളുടെ മനം കവർന്ന താരമാണ് ഷെയിൻ നിഗം. ഇപ്പോൾ സംഗീത രംഗത്തിലേക്ക് കാലെടുത്തുവച്ചിരിക്കുകയാണ് താരം. പുതിയ ചിത്രം ഭൂതകാലത്തിലൂടെയാണ് ഷെയിൻ സംഗീത യാത്രയ്ക്ക് തുടക്കമിടുന്നത്. ഷെയിൻ ആദ്യമായി സംഗീത സംവിധാനം നിർവഹിച്ച ഗാനമാണ് പുറത്തുവന്നിരിക്കുന്നത്.
ആദ്യമായാണ് ഷെയിൻ സംഗീത സംവിധാനത്തിലേക്ക് ചുവടുവയ്ക്കുന്നത്. കൂടാതെ ഗാനം എഴുതിയിരിക്കുന്നതും പാടിയിരിക്കുന്നത് ഷെയിൻ
തന്നെയാണ്. രാ താരമേ എന്നു തുടങ്ങുന്ന ഗാനത്തിന്റെ ലിറിക്കൽ വീഡിയോ ആണ് പുറത്തിറക്കിയിരിക്കുന്നത്. എന്തായാലും ആരാധകരെ അമ്പരപ്പിച്ചിരിക്കുകയാണ് ഷെയിൻ. താരത്തെ പ്രശംസിച്ചുകൊണ്ട് നിരവധി പേരാണ് എത്തുന്നത്.
രാഹുൽ സദാശിവൻ സംവിധാനം ചെയ്യുന്ന ചിത്രമാണ് ഭൂതകാലം. രേവതി, ഷെയ്ൻ നിഗം, സൈജു കുറുപ്പ്, ജെയിംസ് ഏലിയാ, ആതിര പട്ടേൽ എന്നിവരാണ് മുഖ്യവേഷങ്ങളിൽ എത്തുന്നത്. സംവിധായകനും ശ്രീകുമാർ ശ്രേയസും ചേർന്നാണ് തിരക്കഥ. ഷെഹ്നാദ് ജലാൽ ഛായാഗ്രഹണവും ഗോപി സുന്ദർ പശ്ചാത്തലസംഗീതവും നിർവഹിക്കുന്നു. ഷെയ്ൻ നിഗം ഫിലിംസിന്റെ സഹകരണത്തോടെ പ്ലാൻ ടി ഫിലിംസ് ആണ് ചിത്രം നിർമിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ