മലയാളിക‌ളുടെ ഇഷ്ടതാരമാണ് മഞ്ജു വാര്യർ. 2021 അവസാനിക്കാനിരിക്കെ താരം പങ്കുവച്ച പോസ്റ്റാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. പോയതിനേക്കാൾ നല്ലത് വരാനിരിക്കുന്നതാണ് എന്നു പറഞ്ഞുകൊണ്ട് തന്റെ സ്റ്റൈലിഷ് ചിത്രങ്ങളാണ് താരം പോസ്റ്റ് ചെയ്തത്.
ജീന്‍സും ഓവര്‍കോട്ടും ധരിച്ച് സ്റ്റൈലിഷ് ലുക്കിൽ ഒരു പടിക്കെട്ടിൽ ഇരിക്കുന്ന ചിത്രങ്ങളാണ് താരം പങ്കുവച്ചത്. താരത്തിന്റെ ചിത്രവും കുറിപ്പും ആരാധകർ ഏറ്റെടുക്കുകയാണ്. നിരവധി പേരാണ് താരത്തിന് ന്യൂ ഇയർ ആശംസകൾ അറിയിച്ചുകൊണ്ട് കമന്റ്ചെയ്യുന്നത്.
മരക്കാർ ആണ് മഞ്ജു വാര്യരുടേതായി അവസാനം പുറത്തിറങ്ങിയ ചിത്രം. ജാക്ക് ആൻഡ് ജിൽ, കയറ്റം, ലളിതം സുന്ദരം, പടവെട്ട്, മേരി ആവാസ് സുനോ, വെളളരിക്കാപട്ടണം, കാപ്പ തുടങ്ങി നിരവധി ചിത്രങ്ങളാണ് മഞ്ജുവിന്റേതായി അണിയറയിൽ ഒരുങ്ങുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
