ആദ്യ ചിത്രത്തിലൂടെ തന്നെ മലയാളികളെ അമ്പരപ്പിച്ച നായികയാണ് രജിഷ വിജയൻ. മലയാളത്തിലെ മികച്ച ഒരുപിടി സിനിമകൾക്കു പിന്നാലെ താരം തമിഴിലും അരങ്ങേറ്റം കുറിച്ചു. ധനുഷിന്റെ നായികയായിട്ടായിരുന്നു താരമെത്തിയത്. ഇപ്പോൾ തെലുങ്കിലേക്ക് ചുവടുവയ്ക്കാൻ ഒരുങ്ങുകയാണ് രജീഷ. രവി തേജയുടെ നായികയായാണ് താരം തെലുങ്കിലേക്ക് അരങ്ങേറുന്നത്.
'രാമറാവു ഓൺ ഡ്യൂട്ടി' എന്ന ചിത്രത്തിലാണ് രജീഷ ആദ്യമായി തെലുങ്കിൽ അഭിനയിക്കുക. രജീഷയെ ടീമിലേക്ക് സ്വഗതം ചെയ്തുകൊണ്ട് അണിയറപ്രവർത്തകർ പോസ്റ്റർ പുറത്തിറക്കിയിരുന്നു. സന്തോഷം പങ്കുവെച്ചുകൊണ്ട് താരവും രംഗത്തെത്തി. രവി തേജയ്ക്കൊപ്പം തെലുങ്കിലേക്ക് അരങ്ങേറുന്നതിൽ സന്തോഷമുണ്ടെന്നാണ് താരം കുറിച്ചത്. ശരത് മന്ദവനയാണ് ചിത്രം സംവിധാനം ചെയ്യുന്നത്.
ഖൊ ഖൊ ആണ് താരത്തിന്റേതായി അവസാനം പുറത്തിറങ്ങിയ ചിത്രം. ആസിഫ് അലിയെ നായകനാക്കി ജിബു ജേക്കബ് ഒരുക്കുന്ന എല്ലാം ശരിയാകും, ഫഹദിനെ നായകനാക്കി സജിമോൻ പ്രഭാകർ ഒരുക്കുന്ന മലയൻകുഞ്ഞ്, കാർത്തി നായകനായെത്തുന്ന സർദാർ, എന്നീ ചിത്രങ്ങളിലും രജിഷ നായികയായെത്തുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ