ലോക്ക്ഡൗൺ സാമ്പത്തിക നില താറുമാറാക്കിയെന്ന് ബോളിവുഡ് നടി കങ്കണ റണാവത്ത്. ജോലിയില്ലാത്തതിനാൽ കഴിഞ്ഞ വർഷത്തെ വരുമാന നികുതിയുടെ പകുതിയെ അടയ്ക്കാന്‍ സാധിച്ചൊള്ളെന്ന് ഇൻസ്റ്റഗ്രാമിൽ നടി പറഞ്ഞു.
"ഏറ്റവും കൂടുതല്‍ ടാക്സ് അടക്കുന്ന സ്ലാബിലാണ് ഞാന്‍ ഉള്‍പ്പെടുന്നത്, വരുമാനത്തിൻറെ 45 ശതമാനവും നികുതിയായി നൽകുന്നതിനാൽ ഏറ്റവും കൂടുതൽ നികുതി നൽകുന്ന നടിയും ഞാനാണ്. കഴിഞ്ഞ വർഷത്തെ നികുതിയുടെ പകുതി മാത്രമാണ് അടച്ചത്. ജോലിയില്ലാത്തതിനാലാണ് ഇത്തവണ അടക്കാൻ വൈകിയത്. ജീവിതത്തിൽ ആദ്യമായാണ് ഇങ്ങനെ സംഭവിക്കുന്നത്",കങ്കണ കുറിച്ചു.
നികുതി അടയ്ക്കാന്‍ വൈകുന്നതില്‍ സര്‍ക്കാര്‍ പിഴ ചുമത്തുന്നതിനെ താൻ സ്വാഗതം ചെയ്യുന്നെന്നും വ്യക്തി എന്ന നിലയില്‍ മോശം സമയമായിരിക്കും എന്നാല്‍ ഒന്നിച്ച് നിന്നാല്‍ ഈ സമയവും അതിജീവിക്കും എന്നുമാണ് കങ്കണയുടെ വാക്കുകൾ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
