കൊച്ചി; നടി ദിവ്യ ഉണ്ണിയുടെ അച്ഛൻ പൊന്നേത്ത് മഠത്തിൽ ഉണ്ണികൃഷ്ണൻ അന്തരിച്ചു. വ്യാഴാഴ്ച രാവിലെ ഹൃദയാഘാതത്തെ തുടർന്ന് പൊന്നേത്ത് മഠത്തിൽ വച്ചായിരുന്നു അന്ത്യം. ഉമാ ദേവിയാണ് ഭാര്യ. ദിവ്യാ ഉണ്ണി, വിദ്യാ ഉണ്ണി എന്നിവർ മക്കളാണ്. മരുമക്കൾ: അരുൺകുമാർ, സഞ്ജയ്. പൊന്നേത്ത് അമ്പലം ട്രസ്റ്റി ആയിരുന്നു ഉണ്ണികൃഷ്ണൻ.
90കളിൽ മലയാള സിനിമയിൽ നിറഞ്ഞു നിന്നിരുന്ന നടിയാണ് ദിവ്യാ ഉണ്ണി. വിനയന്റെ ‘കല്യാണസൗഗന്ധികം’ എന്ന ചിത്രത്തിലൂടെയാണ് നായികയായി അരങ്ങേറ്റം കുറിച്ചത്. തുടർന്ന് നിരവധി സൂപ്പർഹിറ്റ് സിനിമകളിൽ അഭിനയിച്ചു. വിവാഹശേഷം സിനിമയിൽ നിന്ന് വിട്ടു നിൽക്കുകയാണ് താരം. അഭിനയത്തിന് ഇടവേള നൽകിയെങ്കിലും നൃത്ത രംഗത്ത് ഇപ്പോഴും സജീവമാണ്. താരത്തിന്റെ സഹോദരി വിദ്യയും അഭിനേത്രിയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ