സുരാജ് വെഞ്ഞാറമ്മൂട്, ടൊവീനോ തോമസ് എന്നിവരുടെ മകച്ച പ്രകടനം കൊണ്ട് ശ്രദ്ധനേടിയ ചിത്രമാണ് അടുത്തിടെ റിലീസ് ചെയ്ത കാണെക്കാണെ എന്ന സിനിമ. ഉയരെയ്ക്ക് ശേഷം സംവിധായകൻ മനു അശോകനും ബോബി സഞ്ജയ് ടീമും വീണ്ടും ഒന്നിച്ച ചിത്രം കൂടിയാണ് ഇത്. ചിത്രത്തിൽ നായികയായി എത്തിയത് ഐശ്വര്യ ലക്ഷ്മിയാണ്. ഇപ്പോഴിതാ സിനിമയുടെ ചിത്രീകരണത്തിനിടെയുള്ള ചില നർമ്മരംഗങ്ങളാണ് വൈറലാകുന്നത്.
കാണെക്കാണെയിൽ ഗർഭിണിയായ സ്നേഹ ജോർജ് എന്ന കഥാപാത്രത്തെയാണ് ഐശ്വര്യ അവതരിപ്പിച്ചത്. ഐശ്വര്യയുടെ രസകരമായ ചില നിമിഷങ്ങളാണ് ബിഹൈൻഡ് ദി സീൻസ് വിഡിയോയിൽ ഉള്ളത്. ഷൂട്ടിങ് ഇടവേളയിൽ അണിയറപ്രവർത്തകർക്കൊപ്പം നൃത്തം ചെയ്യുകയായിരുന്നു താരം.
1983, ക്വീൻ എന്നീ ബ്ലോക്ക്ബസ്റ്റർ ചിത്രങ്ങൾ മലയാള സിനിമക്ക് സമ്മാനിച്ച ടി ആർ ഷംസുദ്ധീനാണ് സിനിമ നിർമിച്ചത്. ആൽബി ആന്റണി ഛായാഗ്രഹണം നിർവഹിച്ചു. അഭിലാഷ് ബാലചന്ദ്രനാണ് എഡിറ്റർ. വിനായക് ശശികുമാറിന്റെ വരികൾക്ക് രഞ്ജിൻ രാജ് ആണ് സംഗീതം നൽകിയിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ