തെന്നിന്ത്യൻ സിനിമാപ്രേമികളുടെ ഇഷ്ട താരജോഡികളാണ് നയൻതാരയും വിഘ്നേഷും. ഇവരുടേയും വിവാഹ വാർത്തയ്ക്കായി കാത്തിരിക്കുകയാണ് ആരാധകർ. ഇപ്പോൾ വിഘ്നേഷുമായുള്ള വിവാഹനിശ്ചയം കഴിഞ്ഞുവെന്ന് സൂചന നൽകുകയാണ് നയൻതാര. ടെലിവിഷൻ പരിപാടിക്കിടെയായിരുന്നു താരത്തിന്റെ തുറന്നു പറച്ചിൽ.
തമിഴിലെ പ്രശസ്ത അവതാരകയായ ദിവ്യദർശിനിയുടെ ഒരു പരിപാടിയിൽ അതിഥിയായി താരം എത്തുന്നുണ്ട്. താരത്തിന്റെ മോതിര വിരലിനെക്കുറിച്ച് ദിവ്യ ദർശിനി ചോദിക്കുന്നുണ്ട്. പൊട്ടിച്ചിരിച്ചു കൊണ്ട് ' ഇത് വന്ത് എൻഗേജ്മെന്റ് റിങ്' എന്നാണ് നയൻതാര മറുപടി നൽകിയത്. വിഘ്നേഷിൽ എന്താണ് ഏറ്റവുമധികം ഇഷ്ടമെന്ന ചോദ്യത്തിന് എല്ലാം ഇഷ്ടമാണെന്ന് നയൻതാര പറയുന്നു. ഇഷ്ടപ്പെടാത്ത കാര്യങ്ങൾ തുറന്ന് സംസാരിക്കണമെന്നും താരം കൂട്ടിച്ചേർക്കുന്നു. ഷോയുടെ പ്രമോ വിഡിയോ ഇപ്പോൾ വൈറലാണ്.
ഏതാനും മാസങ്ങൾക്കു മുൻപാണ് താരത്തിന്റെ മോതിര വിരൽ ആരാധകരുടെ ശ്രദ്ധയിൽ പതിഞ്ഞത്. വിഘ്നേഷിന്റെ നെഞ്ചിൽ വച്ചിരിക്കുന്ന നയൻതാരയുടെ കൈയുടെ ചിത്രമാണ് പങ്കുവെച്ചത്. താരത്തിന്റെ മോതിരവും വിഘ്നേഷ് നൽകിയ അടിക്കുറിപ്പുമാണ് ശ്രദ്ധേയമായത്. വിരലോട് ഉയിർ കൂട കോർത്തു എന്നായിരുന്നു വിഘ്നേഷ് കുറിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
