കുഞ്ഞതിഥിക്കായുള്ള കാത്തിരിപ്പിലാണ് സൗഭാഗ്യയും അർജുനും. ഗർഭകാലത്തും ഡാൻസിന് സൗഭാഗ്യ മുടക്ക് വരുത്തിയിട്ടില്ല. പക്ഷെ ഈ സമയത്ത് നൃത്തം ചെയ്യുന്നത് അത്ര എളുപ്പമല്ലെന്ന് സൗഭാഗ്യ പറയുന്നു. ആറാം മാസത്തിൽ നൃത്തം ചെയ്ത അനുഭവം പങ്കുവച്ചുള്ള താരത്തിന്റെ കുറിപ്പാണ് ഇപ്പോൾ വൈറലാകുന്നത്.
"ആറാം മാസത്തിൽ മുഴുമണ്ഡലത്തിലുള്ള നിൽപ്പ് അത്ര സുഖകരമല്ല. എല്ലാ അമ്മമാർക്കും ഇങ്ങനെയാനണമെന്നില്ല. എന്റെ 89കിലോ ശരീരഭാരം കാൽവിരലുകളിൽ ബാലൻ ചെയ്യുന്നതിന്റെ ബുദ്ധിമുട്ടാകാം. പലപ്പോഴും മുന്നോട്ട് ആഞ്ഞുപോകുന്നുണ്ട്", നൃത്തവിഡിയോയ്ക്കൊപ്പം സൗഭാഗ്യ കുറിച്ചു.
ഗർഭകാലം മുഴുവനും നൃത്തം ചെയ്ത അമ്മയെക്കുറിച്ചാണ് താൻ ചിന്തിക്കുന്നതെന്നും അതാണ് പ്രചോദണമെന്നും പറയുകയാണ് സൗഭാഗ്യ.മണ്ഡി അടവുകൾ ചെയ്യുന്നതിന് പ്രശ്നങ്ങളൊന്നുമില്ല. ശരീരത്തിലെ ചില മാറ്റങ്ങൾ പ്രാക്ടീസിന് തടസ്സമാണ്. അവയെ അവഗണിച്ച് ഇത്രയും ചെയ്യാനാവുന്നത് എന്റെ ആത്മവിശ്വാസം വർധിപ്പിക്കുന്നു. കുഞ്ഞിനോട് ഇതേക്കുറിച്ച് എന്തായാലും പറയുമെന്നുമായിരുന്നു സൗഭാഗ്യ കുറിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ