ഉരുൾപൊട്ടലിന്റെ ഭീകരത, രക്ഷപ്പെടാനുള്ള വഴിതേടി ഫഹദ്; മലയൻകുഞ്ഞ് ട്രെയിലർ

ഫഹദ് ഫാസിൽ നായകനായി എത്തുന്ന മലയൻകുഞ്ഞിന്റെ ട്രെയിലർ പുറത്ത്. നവാഗതനായ സജിമോൻ സംവിധാനം ചെയ്യുന്ന ചിത്രം പറയുന്നത് മലയോര പ്രദശത്തെ കഥയാണ്. ഉരുൾപൊട്ടലിൽ അകപ്പെടുന്നതും അതിൽ നിന്നുളള അതിജീവനവുമാണ് ചിത്രം പറയുന്നത്. 

പ്രമുഖ സം​ഗീത‍ സംവിധായകൻ എആർ റഹ്മാൻ വർഷങ്ങൾക്കുശേഷം മലയാളത്തിലേക്ക് തിരിച്ചുവരികയാണ് മലയൻകുഞ്ഞിലൂടെ. ജാഫർ ഇടുക്കി, ജിഷ വിജയൻ, ഇന്ദ്രൻസ് തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. മഹേഷ് നാരായണനാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. കൂടാതെ ഛായാ​ഗ്രഹണം നിർവഹിക്കുന്നതും മഹേഷ് തന്നെയാണ്. 

ഫാസിൽ ആണ് നിർമാണം. പതിനെട്ടു വർഷങ്ങൾക്കു ശേഷം അച്ഛനും മകനും വെള്ളിത്തിരയിൽ വീണ്ടും കൈ കോർക്കുന്ന ചിത്രം കൂടിയാണ് മലയൻ കുഞ്ഞ്.വൈശാഖ്, വി.കെ. പ്രകാശ് എന്നിവരുടെ അസോഷ്യേറ്റ് ആയിരുന്നു സജിമോൻ. സുഷിൻ ശ്യാമാണ് ചിത്രത്തിന് സം​ഗീതം ഒരുക്കുന്നത്. ദിലീഷ് പോത്തൻ സംവിധാനം ചെയ്യുന്ന ജോജിയുടെ ചിത്രീകരണത്തിനു ശേഷമാകും ഈ ചിത്രം ആരംഭിക്കുക.