പ്രേക്ഷകരെ ത്രില്ലടിപ്പിച്ച ഹിറ്റ് ചിത്രം 'അഞ്ചാം പാതിരാ'യുടെ രണ്ടാംഭാഗം വരുന്നു. മിഥുന് മാനുവല് തോമസ് സംവിധാനം ചെയ്ത ചിത്രത്തിന്റെ രണ്ടാംഭാഗത്തിന് പേരിട്ടിരിക്കുന്നത് 'ആറാം പാതിരാ' എന്നാണ്. കുഞ്ചാക്കോ ബോബനെ നായകനാക്കി നിര്മ്മിച്ച അഞ്ചാം പാതിരാ റിലീസ് ആയതിന്റെ ഒന്നാം വാര്ഷികത്തിലാണ് മിഥുന് മാനുവല് തോമസിന്റെ പുതിയ പ്രഖ്യാപനം വന്നിരിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റര് കുഞ്ചാക്കോ ബോബനും മിഥുനും സോഷ്യല് മീഡിയയില് പങ്കുവച്ചു.
'അന്വര് ഹുസൈന് പുതിയ ഒരു നിഗൂഢതയിലേക്ക് കാലെടുത്ത് വെക്കുന്നു..' എന്ന് ചിത്രത്തിന്റ പോസ്റ്റര് ഷെയര് ചെയ്തുകൊണ്ട് മിഥുന് സോഷ്യല് മീഡിയയില് കുറിച്ചു.
അഞ്ചാം പാതിരയില് അന്വര് ഹുസൈന് എന്ന ക്രിമിനോളജിസ്റ്റിന്റെ വേഷത്തിലാണ് കുഞ്ചാക്കോ ബോബന് എത്തിയത്. പോയ വര്ഷത്തിലെ ഏറ്റവും വലിയ ഹിറ്റായിരുന്നു അഞ്ചാം പാതിരാ. ആഷിഖ് ഉസ്മാനാണ് പുതിയ ചിത്രം നിര്മ്മിക്കുന്നത്. ഷൈജു ഖാലിദ് ആണ് ചിത്രത്തിന് വേണ്ടി ക്യാമറ ചലിപ്പിക്കുന്നത്. പ്രേക്ഷകരെ ഹരം പിടിച്ചിരുത്തിയ സുശീന് ശ്യാമിന്റെ സംഗീതംം രണ്ടാംഭാഗത്തിലുമുണ്ടാകും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ