വിജയ് യും വിജയ് സേതുപതിയും തർത്തഭിനയിച്ച ചിത്രം മാസ്റ്റർ ആമസോൺ പ്രൈമിൽ റിലീസ് ചെയ്യുന്നു. ജനുവരി 29ന് ചിത്രം ആമസോൺ പ്രൈമിലൂടെ പ്രേക്ഷകരിലേക്കെത്തുമെന്നാണ് അണിയറപ്രവർത്തകർ അറിയിച്ചത്. തിയറ്ററുകളിെലത്തി പതിനേഴ് ദിവസം പിന്നിടുമ്പോളാണ് മാസ്റ്റർ ഓടിടി പ്ലാറ്റ്ഫോമിലെത്തുന്നത്.
പൊങ്കൽ റിലീസ് ആയി ജനുവരി 13–നാണ് മാസ്റ്റർ തിയറ്ററുകളിലെത്തിയത്. കേരളം ഉൾപ്പടെയുള്ള സംസ്ഥാനങ്ങളിൽ ഉജ്ജ്വല വരവേൽപാണ് ചിത്രത്തിന് ലഭിച്ചത്. റിലീസ് ചെയ്ത് ദിവസങ്ങൾക്ക് പിന്നാലെ ചിത്രം 100 കോടി ക്ലബ്ബിൽ കയറിയിരുന്നു. റെക്കോഡ് കളക്ഷൻ നേടിയെടുത്ത ചിത്രത്തിന്റെ ആഗോള നേട്ടം 220 കോടി പിന്നിട്ടുകഴിഞ്ഞു.
ലോകേഷ് കനക രാജ് സംവിധാനം ചെയ്യുന്ന ചിത്രത്തിൽ മാളവിക മോഹനാണ് നായിക.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ