ഒരു കാലത്ത് മലയാളികൾക്കിടയിൽ ആവേശമായിരുന്നു നടി വാണി വിശ്വനാഥ്. താരത്തിന്റെ ബോൾഡ് കഥാപാത്രങ്ങളും ആക്ഷനുമെല്ലാം പ്രേക്ഷകരുടെ മനം കവർന്നിരുന്നു. ഇപ്പോൾ സോഷ്യൽ മീഡിയയിൽ ഹിറ്റാകുന്നത് വാണിയുടെ ഭർത്താവും നടനുമായ ബാബുരാജ് പങ്കുവെച്ച ചിത്രമാണ്. വാണിക്കൊപ്പം വർക്കൗട്ട് ചെയ്യുന്നതിന്റെ ചിത്രമാണ് താരം പങ്കുവെച്ചത്.
ജിം വെയർ അണിഞ്ഞ് ഫോട്ടോയ്ക്ക് പോസ് ചെയ്യുകയാണ് ബാബുരാജും വാണി വിശ്വനാഥും. ‘എന്റെ എക്കാലത്തെയും സൂപ്പർസ്റ്റാർ’ എന്ന അടിക്കുറിപ്പിലാണ് ചിത്രം. ചെന്നൈയിലെ വീട്ടിൽ നിന്നാണ് ചിത്രം പകർത്തിയിരിക്കുന്നത്. സോഷ്യൽ മീഡിയയിൽ വാണി സജീവമല്ലാത്തതിനാൽ തങ്ങളുടെ പ്രിയ താരത്തിന്റെ ചിത്രം ഏറ്റെടുത്തിരിക്കുകയാണ് ആരാധകർ. ‘ആക്ഷന് ക്വീന് ഓഫ് മലയാളം ഫിലിം ഇന്ഡസ്ട്രി’യെന്നായിരുന്നു ഒരു ആരാധകന്റെ കമന്റ്.
വിവാഹ ശേഷം സിനിമയിൽ അഭിനയിച്ചിട്ടുണ്ടെങ്കിലും താരം വലിയ സജീവമല്ല. മക്കളായ ആര്ദ്രയുടെയും ആർച്ചയുടെയും പഠനാർത്ഥം ചെന്നൈയിലെ വീട്ടിലായിരിക്കും കൂടുതൽ സമയവും. 1998 ലാണ് വാണിയും ബാബുരാജും പരിചയപ്പെടുന്നത്. നാലു വര്ഷത്തിനുശേഷം ഇവർ വിവാഹിതരായി. നാലു മക്കളാണ് ദമ്പതികൾക്ക്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ