അമ്മയായ സന്തോഷം പങ്കുവച്ച് നടി ദിയ മിർസ. അവ്യയാൻ ആസാദ് രേഖി എന്നാണ് കുഞ്ഞിന് പേര് നൽകിയിരിക്കുന്നത്. കുഞ്ഞിനെ നോക്കിയിരിക്കുമ്പോൾ പ്രപഞ്ചത്തിന്റെയും പിതൃത്വത്തിന്റെയും മാതൃത്വത്തിന്റെയും യഥാർത്ഥ അർത്ഥം പഠിക്കുകയാണെന്ന് നടി കുറിച്ചു. മകന്റെ കൈകൾ പിടിച്ചുള്ള ചിത്രമാണ് ദിയ പങ്കുവച്ചിരിക്കുന്നത്.
മാസം തികയാതെ ജനിച്ചതിനാൽ കുഞ്ഞ് ഇപ്പോൾ നിയോനേറ്റൽ ഐ സി യുവിൽ ആണെന്നാണ് വിവരം. അവ്യയാൻ പെട്ടെന്നുതന്നെ വീട്ടിൽ എത്തുമെന്നും മൂത്ത സഹോദരി സമൈറയും മുത്തച്ഛനും മുത്തശ്ശിയും കുഞ്ഞിനെ കൈയിലെടുക്കാൻ ആശിച്ചിരിക്കുകയാണെന്നും ദിയ പറഞ്ഞു.
ഫെബ്രുവരിയിലാണ് കാമുകൻ വൈഭവ് രേഖിയുമായി ദിയയുടെ വിവാഹം നടന്നത്. വൈഭവിന്റെ ആദ്യത്തെ വിവാഹത്തിലെ മകളാണ് സമൈറ. ഏപ്രിൽ മാസത്തിലാണ് അമ്മയാവാൻ പോകുന്ന വിവരം നടി പുറത്തുവിട്ടത്. വിവാഹത്തിന്റെ തയാറെടുപ്പുകൾ നടക്കുന്നതിനിടെയാണ് ഇക്കാര്യം അറിഞ്ഞതെന്നും ദിയ പറഞ്ഞിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ