മുൻ ഇന്ത്യൻ ക്രിക്കറ്റ് താരം ശ്രീശാന്ത് നായകനായി എത്തുന്ന ബോളിവുഡ് ചിത്രം കുറച്ചു നാളുകൾക്കു മുൻപാണ് പ്രഖ്യാപിച്ചത്. ആര് രാധാകൃഷ്ണന് സംവിധാനം ചെയ്യുന്ന ചിത്രത്തിന് പട്ടാ എന്നാണ് പേരിട്ടിരിക്കുന്നത്. ചിത്രത്തിൽ സിബിഐ ഉദ്യോഗസ്ഥന്റെ വേഷത്തിലാണ് ശ്രീശാന്ത് എത്തുക. ഇപ്പോൾ ചിത്രത്തിലെ നായികയെക്കുറിച്ചുള്ള വാർത്തകളാണ് വൈറലാവുന്നത്. തെന്നിന്ത്യൻ സുന്ദരി സണ്ണി ലിയോണിയാവും ശ്രീശാന്തിന്റെ നായികയായി എത്തുക.
ആർ രാധാകൃഷ്ണൻ തന്നെയാണ് വിവരം പങ്കുവെച്ചത്. ഒരു സിബിഐ ഓഫീസറിന്റെ വേഷത്തിലാണ് ചിത്രത്തില് ശ്രീശാന്ത് എത്തുന്നത്. ഓഫീസര് കഥാപാത്രത്തിന്റെ അന്വേഷണം ചെന്നെത്തുന്നത് ഒരു സ്ത്രീയിലാണ്. ആ കഥാപാത്രം അവതരിപ്പിക്കാന് വളരെ ശക്തയായ ഒരു സ്ത്രീ തന്നെ വേണം. അതിന് സണ്ണി ലിയോണായിരിക്കും മികച്ച നടി- അദ്ദേഹം ഒരു ദേശിയ മാധ്യമത്തോടു പറഞ്ഞു.
ആക്ഷനും സംഗീതത്തിനും പ്രാധാന്യമുളള ഒരു പൊളിറ്റിക്കല് ത്രില്ലറാണ് പട്ടാ. ശ്രീശാന്തിനും സണ്ണി ലിയോണിനുമൊപ്പം ബോളിവുഡ്ഡിലെ പ്രമുഖ താരങ്ങളും അഭിനയിക്കുന്നു. എന്എന്ജി ഫിലിംസിന്റെ ബാനറില് നിരുപ് ഗുപ്തയാണ് ചിത്രം നിര്മിക്കുന്നത്. പ്രകാശ്കുട്ടിയാണ് ഛായാഗ്രഹണം, സംഗീതം സുരേഷ് പീറ്റേഴ്സ്, എഡിറ്റിംഗ് സുരേഷ് യു.ആര്.എസ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ