ഫഹദ് ഫാസിലിനെ പ്രധാന കഥാപാത്രമാക്കി മഹേഷ് നാരായണന് ഒരുക്കിയ ചിത്രമായിരുന്നു മാലിക്. ആമസോണ് പ്രൈമിലൂടെ റിലീസിനെത്തിയ ചിത്രം മികച്ച അഭിപ്രായമാണ് നേടിയത്. ഫഹദ് ഫാസിലിന്റെ സുലൈമാനൊപ്പം വിനയ് ഫോര്ട്ട് അഭിനയിച്ച ഡേവിഡും ശ്രദ്ധിക്കപ്പെട്ടു. ഇപ്പോള് വിനയ് പങ്കുവെച്ച ലൊക്കേഷനില് നിന്നുള്ള ചിത്രമാണ് പ്രേക്ഷക ശ്രദ്ധ നേടുന്നത്.
ചന്ദ്രനെ കൊല്ലുന്നതിന് മുന്പ് സെറ്റില് ചില് ചെയ്യുന്ന സുലൈമാനും ഡേവിഡുമാണ് ചിത്രത്തില്. കോസ്റ്റ്യൂമിൽ തറയില് ഇരുന്നു സംസാരിക്കുന്ന ഫഹദും വിനയുമാണ് ചിത്രത്തില്. പെരുന്നാള് ആശംസകള് നേര്ന്നുകൊണ്ടാണ് പോസ്റ്റ്.
ചിത്രത്തില് സുഹൃത്തുക്കളായാണ് ഫഹദും വിനയ് ഫോര്ട്ടും എത്തിയത്. നിരവധി പേരാണ് വിനയുടെ പ്രകടനത്തെ പ്രശംസിച്ച് രംഗത്തെത്തിയത്. ബോളിവുഡ് നടന് രാജ്കുമാര് റാവുവും പ്രശംസയുമായി എത്തിയിരുന്നു. നിമിഷ സജയന്, ജോജു ജോര്ജു, ഇന്ദ്രന്സ്, തുടങ്ങിയ വലിയ തീരനിരതന്നെ ചിത്രത്തില് അണിനിരന്നിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ