പൃഥ്വിരാജ് ചിത്രം കോൾഡ് കേസും ഫഹദ് ഫാസിൽ നായകനാകുന്ന മാലികും ഒടിടി റിലീസിന് ഒരുങ്ങുന്നു. വൻമുതൽ മുടക്കുള്ള ഇവ ഒടിടി പ്ലാറ്റ്‌ഫോമിൽ റിലീസ് ചെയ്യുകയാണെന്ന് ഇരു സിനിമകളുടെയും നിർമാതാവായ ആന്റോ ജോസഫ് ഫിലിം എക്‌സിബിറ്റേഴ്‌സ് ഫെഡറേഷൻ ജനറൽ സെക്രട്ടറിക്ക് അയച്ച കത്തിൽ പറഞ്ഞു.
2021 മെയ് 13ന് റിലീസിന് തയ്യാറെടുത്തതാണ് മാലിക്. മഹേഷ് നാരായണൻറെ സംവിധാനത്തിൽ ഒരുങ്ങുന്ന ചിത്രം 27 കോടിയോളം മുതൽമുടക്കുള്ളതാണ്. നിമിഷ സജയനാണ് നായിക. ' കോൾഡ് കേസി' ൽ എസിപി സത്യജിത് എന്ന ഉദ്യോഗസ്ഥന്റെ വേഷത്തിലാണ് പൃഥ്വിരാജ്. തനു ബാലക്ക് സംവിധാനം ചെയ്യുന്ന ചിത്രത്തിൽ അദിതി ബാലനാണ് നായിക.
ചിത്രങ്ങൾ 100 ശതമാനം സീറ്റിങ് കപ്പാസിറ്റിയിൽ പ്രദർശിപ്പിച്ചാൽ മാത്രമെ മുതൽ മുടക്ക് ലഭിക്കുകയുള്ളെന്നും സാമ്പത്തിക ബുദ്ധിമുട്ട് കാരണമാണ് ചിത്രങ്ങൾ ഒടിടി റിലീസിന് ശ്രമിക്കുന്നതെന്നും ആന്റോ ജോസഫ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
