ഷാരൂഖ് ഖാനും ആലിയ ഭട്ടും നിർമ്മിക്കുന്ന 'ഡാർലിംഗ്‌സ്' എന്ന ചിത്രത്തിലൂടെ യുവതാരം റോഷൻ മാത്യു വീണ്ടും ബോളിവുഡിൽ. ആലിയ ഭട്ട്, ഷെഫാലി ഷാ, വിജയ് ശർമ്മ എന്നിവരാണ് മറ്റ് അഭിനേതാക്കൾ. ജസ്മീത് കെ റീൻ ആണ് സംവിധാനം.
ഷാരൂഖ് ഖാന്റെ നിർമ്മാണ കമ്പനിയായ റെഡ് ചില്ലീസും ആലിയ ഭട്ടിന്റെ എറ്റേണൽ സൺഷൈനും ചേർന്നാണ് ഡാർലിംഗ്‌സ് നിർമ്മിക്കുന്നത്. ചിത്രത്തിൽ വിജയ് വർമ്മ അവതരിപ്പിക്കുന്ന കഥാപാത്രത്തിന്റെ ഭാര്യയുടെ റോളിലാണ് ആലിയ ഭട്ട് .
അനുരാഗ് കശ്യപ് സംവിധാനം ചെയ്ത 'ചോക്ക്ഡ്' എന്ന സിനിമയാണ് ബോളിവുഡിലെ റോഷന്റെ അരങ്ങേറ്റ ചിത്രം. ലോക്ക്ഡൗൺ കാലത്ത് ചിത്രം നെറ്റ്ഫ്ളിക്സ് പ്രിമിയറായി പ്രേക്ഷകരിലെത്തിയ ചിത്രത്തിലെ പ്രകടനം റോഷന് ഏറെ അഭിനന്ദനങ്ങൾ നേടിക്കൊടുത്തു. മലയാളത്തിൽ പാർവതി തിരുവോത്തിനൊപ്പമുള്ള വർത്തമാനം ആണ് റോഷന്റെ റിലീസിന് ഒരുങ്ങുന്ന പുതിയ ചിത്രം. പൃഥ്വിരാജിനൊപ്പമുള്ള കുരുതി, സിബി മലയിൽ ചിത്രം കൊത്ത്, സിദ്ധാർത്ഥ് ഭരതൻ സംവിധാനം ചെയ്യുന്ന ചതുരം എന്നീ സിനിമകൾ പൂർത്തിയാക്കിയാണ് റോഷൻ മാത്യു ഡാർലിംഗ്‌സിന്റെ ഭാഗമാവുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
