ജീവിതപങ്കാളിയും ഗായികയുമായ അഭയ ഹിരൺമയിയ്ക്ക് പിറന്നാൾ ആശംസകകൾ നേർന്ന് സംഗീതസംവിധായകൻ ഗോപി സുന്ദർ. അഭയയുടെ 32-ാം ജന്മദിനമാണ് ഇന്ന്. പണ്ടത്തെ യാത്രയ്ക്കിടെ താജ് മഹലിനു മുന്നിൽ നിന്നു പകർത്തിയ ചിത്രം പങ്കുവച്ചാണ് ഗോപിയുടെ ആശംസ.
“അന്ന് നിനക്ക് 19 വയസ്സ് മാത്രം. നീയാണെനിക്കെല്ലാം. പറയാൻ വാക്കുകളില്ല പൊന്നേ… എന്റെ പ്രണയിനിയ്ക്ക് ജന്മദിനാശംസകൾ,” ചിത്രത്തോടൊപ്പം ഗോപി കുറിച്ചു. ഗോപിയുടെയും അഭയയുടെയും പ്രണയവും ഒന്നിച്ചുള്ള ജീവിതവും ഏറെ വിവാദങ്ങൾക്ക് കാരണമായിട്ടുണ്ട്. വിവാദങ്ങൾ സ്വകാര്യജീവിതത്തിലേക്ക് എടുക്കാതെ ജീവിതം ആഘോഷമാക്കുകയാണ് ഇരുവരും. സോഷ്യൽ മീഡിയയിൽ സജീവമായ ഇരുവരും ഒന്നിച്ചുള്ള വിശേഷങ്ങൾ പലപ്പോഴും ആരാധകരുമായി പങ്കുവയ്ക്കാറുമുണ്ട്.
പ്രതി പൂവൻകോഴി എന്ന ചിത്രത്തില്ഡ മഞ്ജു വാര്യറിനായി പാടിയ ഗാനം ഏറെ ശ്രദ്ധ നേടിയിരുന്നു. ഗോപീ സുന്ദറാണ് സംഗീതം നിർവ്വഹിച്ചത്. നാക്കു പെന്റ നാക്കു ടക, വിശ്വാസം അതല്ലെ എല്ലാം, മല്ലി മല്ലി ഇഡി റാണീ രാജു, 2 കണ്ട്രീസ്, ജെയിംസ് ആന്റ് ആലീസ്, സത്യ, ഗൂഢാലോചന എന്നീ ചിത്രങ്ങളിൽ ഗോപീ സുന്ദറിന്റെ സംഗീതത്തിൽ അഭയ പാടിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ