മുംബൈ: ബിഗ് ബോസ് 13-ാം സീസണിലെ വിജയിയും ബോളിവുഡ് നടനുമായ സിദ്ധാര്ഥ് ശുക്ല ഹൃദയാഘാതം മൂലം മരിച്ചു. മുംബൈയിലെ കൂപ്പര് ആശുപത്രിയിലായിരുന്നു അന്ത്യം.40 വയസ്സായിരുന്നു.
ഉറങ്ങുന്നതിന് മുന്പ് ചില മരുന്നുകള് കഴിച്ച സിദ്ധാര്ഥ് പിന്നീട് എഴുന്നേറ്റില്ലെന്ന് ആശുപത്രി വൃത്തങ്ങള് പറയുന്നു.ഹൃദയാഘാതമാണ് മരണകാരണമെന്ന് ഡോക്ടര്മാര് സ്ഥിരീകരിച്ചു. ആശുപത്രിയില് എത്തുന്നതിന് മുന്പ് തന്നെ മരണം സംഭവിച്ചതായാണ് റിപ്പോര്ട്ടുകള്. അമ്മയും രണ്ടു സഹോദരിമാരും അടങ്ങുന്നതാണ് സിദ്ധാര്ഥിന്റെ കുടുംബം.
ഷോബിസില് മോഡലായാണ് സിദ്ധാര്ഥ് ശുക്ല തന്റെ അഭിനയ ജീവിതം ആരംഭിച്ചത്. ബാബുല് ക ആംഗ്ന ചുട്ടി ന എന്ന ടെലിവിഷന് ഷോയിലെ അഭിനയത്തിലൂടെയാണ് ഇദ്ദേഹം ജനശ്രദ്ധ പിടിച്ചുപറ്റിയത്. തുടര്ന്ന് നിരവധി ടെലിവിഷന് ഷോകളില് ശ്രദ്ധേയമായ വേഷങ്ങള് ചെയ്തു. 2014ലാണ് ബിഗ് ബോസ് 13-ാം സീസണില് പങ്കെടുക്കുകയും വിജയിയാകുകയും ചെയ്തത്. കരണ് ജോഹര് നിര്മ്മിച്ച ചിത്രത്തില് സഹനടനായി അഭിനയിച്ചാണ് ബോളിവുഡില് അരങ്ങേറ്റം കുറിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ