സോഷ്യൽമീഡിയയിൽ ഏറെ ആരാധകരുള്ള താരപുത്രിമാരിൽ ഒരാളാണ് ഗായിക പ്രാർഥന ഇന്ദ്രജിത്. പാട്ട് മാത്രമല്ല ഡാൻസിലും മിടുക്കിയാണെന്ന് ഇതിനോടകം പലതവണ പ്രാർഥന തെളിയിച്ചിട്ടുണ്ട്. ഇപ്പോഴിതാ കിടിലൻ ഒരു ഡാൻസുമായി എത്തിയിരിക്കുകയാണ് താരപുത്രി.
അമേരിക്കൻ ഗായിക ഡോജ കാറ്റിന്റെ ‘വുമൺ’ എന്ന പാട്ടിനൊപ്പമാണ് പ്രാർഥനയുടെ കിടിലൻ ചുവടുകൾ. ആരാധകർ ഡാൻസ് ഏറ്റെടുത്തതിനൊപ്പം വിഡിയോയ്ക്ക് പ്രാർഥനയുടെ അമ്മയും നടിയുമായ പൂർണിമ കുറിച്ച കമന്റും ഹിറ്റാക്കിയിട്ടുണ്ട്. മകളെ ട്രോളിക്കൊണ്ടുള്ള പൂർണിമയുടെ കമന്റ് വൈറലായിക്കഴിഞ്ഞു. ‘അത്താഴം കഴിക്കാൻ വരൂ’ എന്നാണ് താരത്തിന്റെ കമന്റ്. ‘കുറച്ച് കഞ്ഞി എടുക്കട്ടെ’ എന്ന ഹാഷ് ടാഗോടു കൂടിയാണ് പൂര്ണിമയുടെ കമന്റ്.
2018ൽ പുറത്തിറങ്ങിയ മഞ്ജു വാര്യർ കേന്ദ്രകഥാപാത്രമായി എത്തിയ ‘മോഹൻലാൽ’ എന്ന ചിത്രത്തിലെ ‘ലാലേട്ടാ...’ എന്ന പാട്ടിലൂടെയാണ് പ്രാർഥന ശ്രദ്ധിക്കപ്പെട്ടത്. പിന്നീട് കുട്ടൻപിള്ളയുടെ ശിവരാത്രി, ഹെലൻ എന്നീ ചിത്രങ്ങൾക്കു വേണ്ടിയും പ്രാർഥന പാടിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ