കച്ചാ ബദാം എന്ന ഗാനമാണ് കുറച്ചുനാളായി ഇൻസ്റ്റഗ്രാമിലെ ട്രെൻഡ്. സിനിമാതാരങ്ങൾ ഉൾപ്പടെ നിരവധി പേരാണ് കച്ചാ ബദാമിന് ചുവടുവച്ചത്. ഇപ്പോൾ സോഷ്യൽ മീഡിയയിൽ വൈറലാവുന്നത് സൂപ്പർതാരം അല്ലു അർജുന്റെ മകൾ അർഹയുടെ കച്ചാ ബദാം ആണ്. താരം തന്നെയാണ് തന്റെ ഇൻസ്റ്റഗ്രാം അക്കൗണ്ടിലൂടെ മകളുടെ വിഡിയോ പങ്കുവച്ചത്.
വിഡിയോ പങ്കുവച്ച് അല്ലു അർജുൻ
എന്റെ ലിറ്റിൽ ബദാം അർഹ എന്ന അടിക്കുറിപ്പിലാണ് താരം വിഡിയോ പങ്കുവച്ചത്. പജാമയിൽ വീട്ടിൽ നിന്നുകൊണ്ടാണ് കുട്ടിത്താരത്തിന്റെ ഡാൻസ്. എന്തായാലും സോഷ്യൽ മീഡിയയിൽ വൈറലാവുകയാണ് വിഡിയോ. ഇതിനോടകം 36 ലക്ഷത്തിൽ അധികം പേരാണ് വിഡിയോ ലൈക്ക് ചെയ്തിരിക്കുന്നത്. അച്ഛനെ പോലെ മകളും നല്ല ഡാൻസുകാരിയാണ് എന്നാണ് ആരാധകരുടെ കമന്റുകൾ.
ഭൂപന്‍ ഭഡ്യാക്കര്‍ എന്ന തെരുവു കച്ചവടക്കാരൻ
ഭൂപന്‍ ഭഡ്യാക്കര്‍ എന്ന തെരുവു കച്ചവടക്കാരൻ തന്റെ കപ്പലണ്ടി കച്ചവടം നടത്തിക്കൊണ്ട് പാടിയ പാട്ടാണ് കച്ചാ ബദാം. ഇതിന്റെ വിഡിയോ സോഷ്യൽ മീഡിയയിൽ എത്തിയതിന് പിന്നാലെ വലിയ രീതിയിൽ ശ്രദ്ധിക്കപ്പെടുകയായിരുന്നു. രാജ്യാതിര്‍ത്തികളും ഭാഷകളും ഭേദിച്ച് ഗാനം വൈറലായിക്കഴിഞ്ഞു.
അർഹ സിനിമയിലേക്ക്
അച്ഛന്റെ പാദ പിന്തുർന്ന് അർഹ അഭിനയരംഗത്തേക്ക് ചുവടുവയ്ക്കുകയാണ്. സാമന്ത നായികയായി എത്തുന്ന ശാകുന്തളം എന്ന ചിത്രത്തിലാണ് അല്ലു അർഹ അഭിനയിക്കുക. രുദ്രമാദേവിയുടെ സംവിധായകൻ ഗുണശേഖറാണ് ചിത്രം സംവിധാനം ചെയ്യുന്നത്. കാളിദാസ കൃതിയെ ആസ്പദമാക്കി ഒരുക്കുന്ന ചിത്രത്തിൽ ഭരത രാജകുമാരിയായാണ് അല്ലു അർഹ അഭിനയിക്കുക. അടുുത്തിടെ ദുബായ് യാത്ര കഴിഞ്ഞെത്തിയ അല്ലുവിന് അർഹ നൽകിയ സർപ്രൈസ് വൈറലായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
