മലപ്പുറം; യുവനടൻ ലുക്മാൻ വിവാഹിതനായി. ജുമൈമയാണ് വധു. ഇന്നലെ മലപ്പുറം പന്താവൂരില്‍ വച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും വിവാഹത്തിൽ പങ്കെടുത്തു.
ഇന്ന് സിനിമയിലെ സുഹൃത്തുക്കൾക്കായി റിസപ്ഷൻ നടത്തി. നടൻ ബാലു, അലീന, ഇര്‍ഷാദ് അലി, സുധി കോപ്പ തുടങ്ങിയ നിരവധി താരങ്ങൾ പങ്കെടുത്തു. താരത്തിന്റെ വിവാഹചിത്രങ്ങൾ സോഷ്യൽ മീഡിയയിൽ വൈറലാവുകയാണ്.
മലപ്പുറം ചങ്ങരംകുളം സ്വദേശിയായ ലുക്മാൻ എൻജിനീയറിങ് മേഖലയിൽനിന്നാണ് സിനിമയിലേക്ക് എത്തിയത്. മുഹ്സിൻ പെരാരി സംവിധാനം ചെയ്ത 'കെഎൽ 10 പത്ത്' സിനിമയിലൂടെയാണ് ശ്രദ്ധ നേടുന്നത്. തുടർന്ന് വള്ളീം തെറ്റി പുള്ളീം തെറ്റി, പോപ്പ്കോൺ, കലി, ഗോദ, സുഡാനി ഫ്രം നൈജീരിയ, കെയർ ഓഫ് സൈറ ബാനു, കക്ഷി അമ്മിണിപ്പിള്ള, വൈറസ് തുടങ്ങിയ സിനിമകളിൽ അഭിനയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
