ഹോളിവുഡിലെ ഏറ്റവും മികച്ച നടന്മാരിൽ ഒരാളാണ് മോർഗൻ ഫ്രീമാൻ. ഓസ്കർ ഉൾപ്പടെ നിരവധി അവാർഡുകളാണ് അദ്ദേഹം നേടിയിട്ടുള്ളത്. എന്നാൽ കുറച്ചു വർഷങ്ങളായി പുരസ്കാര ചടങ്ങുകളിൽ നിന്നെല്ലാം മാറി നിൽക്കുകയാണ് ഫ്രീമാൻ. അതിന്റെ കാരണം വ്യക്തമാക്കിയിരിക്കുകയാണ് താരമിപ്പോൾ. വെള്ളിവെളിച്ചത്തിൽ നിന്നെല്ലാം മാറി വീടിനുള്ളിൽ ഇരിക്കാനാണ് താൻ ഇഷ്ടപ്പെടുന്നത് എന്നാണ് 84കാരനായ മോർഗൻ ഫ്രീമാൻ പറയുന്നത്.
'പഴയ താൽപ്പര്യം ഇപ്പോഴില്ല'
ആറ് പതിറ്റാണ്ടിലേറെയായി സിനിമയിൽ നിറഞ്ഞു നിന്ന മോർഗൻ ഫ്രീമാൻ ഇതിനോടകം ഒസ്കറും ഗോൾഡൻ ഗ്ലോബും ഉൾപ്പടെയുള്ള നിരവധി പുരസ്കാരങ്ങളാണ് സ്വന്തമാക്കിയിരിക്കുന്നത്. എന്നാൽ താൻ ഇനി പുരസ്കാര നിശകളൊന്നും കാണില്ലെന്നാണ് അദ്ദേഹം പറയുന്നത്. 'ഞാൻ ഇനി അതൊന്നും കാണില്ല, അവരൊക്കെ ആരൊക്കെയാണെന്നും എനിക്കറിയില്ല. നോമിനേഷനേറ്റ് ചെയ്യപ്പെട്ട എല്ലാ സിനിമകളും ഞാൻ കണ്ടിട്ടില്ല. ഞാനിപ്പോൾ ഏകാന്തജീവിതത്തിലാണ്. പുരസ്കാരങ്ങളോട് മുൻപുണ്ടായിരുന്ന താൽപ്പര്യമല്ല ഇപ്പോൾ ഉള്ളത്. എല്ലാത്തിനോടും.' - മോർഗൻ ഫ്രീമാൻ പറഞ്ഞു.
'എനിക്ക് വയസായി'
കുറച്ചു നാൾ മുൻപാണ് ലോകം ചുറ്റാൻ താൻ ഇല്ലെന്നും വയസനായിപ്പോയെന്നും മോർഗൻ പറഞ്ഞത്. ഞാൻ ഒരിക്കൽ ലോകം ചുറ്റുകയായിരുന്നു. ഞാൻ ശരിക്ക് വയസനായി. ആഗ്രഹിച്ചപോലെ ഒരുപാട് യാത്രകൾ ഞാൻ നടത്തിയിട്ടുണ്ട്. പോകണം എന്ന് ആഗ്രഹിക്കുന്ന ഒരു സ്ഥലവും ഇനിയില്ല- മോർഗൻ ഫ്രീമാൻ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ