'രണ്ടാമത്തെ കുഞ്ഞിനായുള്ള കാത്തിരിപ്പിലാണ്', കാജലിന്റെ നിറവയറില്‍ തൊട്ട് നിഷ; ബേബി ഷവര്‍ ചിത്രങ്ങള്‍
ആദ്യത്തെ കണ്‍മണിക്കായുള്ള കാത്തിരിപ്പിലാണ് തെന്നിന്ത്യന്‍ സുന്ദരി കാജല്‍ അഗര്‍വാളും ഭര്‍ത്താവ് ഗൗതം കിച്ചിലുവും. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് താരത്തിന്റെ ബേബി ഷവര്‍ ചിത്രങ്ങളാണ്. കാജലിന്റെ സഹോദരിയും നടിയുമായ നിഷ അഗര്‍വാളാണ് ബേബി ഷവര്‍ ചിത്രങ്ങള്‍ പങ്കുവച്ചത്.
നിഷയുടെ കുറിപ്പ്
മനോഹരമായ കുറിപ്പിനൊപ്പമായിരുന്നു താരം കാജലിനൊപ്പമുള്ള ചിത്രം പോസ്റ്റ് ചെയ്തത്. രണ്ടാമത്തെ കുഞ്ഞിനായുള്ള കാത്തിരിപ്പിലാണ് എന്നാണ് നിഷ കുറിച്ചത്. എനിക്ക് മറ്റൊരു കുഞ്ഞ് പിറക്കുകയാണ്, ഞാന്‍ തൊട്ടിരിക്കുന്ന ഈ വയറ്റില്‍ നിന്ന്. എന്റെ രണ്ടാമത്തെ കുഞ്ഞ് വന്നുകൊണ്ടിരിക്കുകയാണ്. നിന്നെ കാണാനായി കാത്തിരിക്കുകയാണ് ലിറ്റില്‍ ലവ്. കാജല്‍ അഗര്‍വാളിനും ഗൗതം കിച്‌ലുവിനും നല്ല ആരോഗ്യവും ശക്തിയും ആശംസിക്കുന്നു. പാരന്റ്ഹുഡ് യാത്രയിലും പുതിയ റോളിലും നിങ്ങള്‍ രണ്ടു പേര്‍ക്കും ഏറ്റവും മികച്ചതാവാന്‍ കഴിയട്ടെ.- നിഷ കുറിച്ചു.
ചുവന്ന സാരിയില്‍ സുന്ദരിയായി കാജല്‍
തൊട്ടു പിന്നാലെ മറുപടിയുമായി കാജല്‍ അഗര്‍വാള്‍ രംഗത്തെത്തി. മാസിയുടെ കൈയില്‍ എത്താനായി കുഞ്ഞ് കാത്തിരിക്കുകയാണ് എന്നായിരുന്നു കാജലിന്റെ കമന്റ്. ചുവന്ന സാരിയുടുത്ത് അതിസുന്ദരിയായി കാജല്‍. താരത്തിന്റെ അടുത്ത സുഹൃത്തുക്കളും ബന്ധുക്കളുമാണ് ചടങ്ങില്‍ പങ്കെടുത്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
