ലൊസാഞ്ചലസ്: ഹോളിവുഡ് താരം ജെയിംസ് കാൻ(82) അന്തരിച്ചു. ദി ഗോഡ്ഫാദർ സിനിമയിലെ സണ്ണി കോർലിയോൺ എന്ന കഥാപാത്രത്തെ അവതരിപ്പിച്ച താരമാണ് ജെയിംസ് കാൻ. ബുധനാഴ്ച വൈകിട്ട് താരം വിടപറഞ്ഞ വിവരം കുടുംബം ട്വിറ്ററിലൂടെ അറിയിച്ചു.
സണ്ണി കോർലിയോൺ ആയുള്ള അഭിനയത്തിനു സഹനടനുള്ള അക്കാദമി അവാർഡിനും സഹ നടനുള്ള ഗോൾഡൻ ഗ്ലോബ് അവാർഡിനും നാമനിർദേശം ചെയ്യപ്പെട്ടിരുന്നു. ദി ഗോഡ്ഫാദറിന്റെ രണ്ടാം ഭാഗത്തിലും അദ്ദേഹം അതിഥി വേഷവും ചെയ്തിരുന്നു.
1960കളിലാണ് കാൻ ഹോളിവുഡിൽ അഭിനയജീവിതം ആരംഭിച്ചത്. റോളർബോൾ, തീഫ്, മിസെറി തുടങ്ങിയവയും കാനിന് പ്രശസ്തി കൊണ്ടുവന്ന ചിത്രങ്ങളാണ്. നാലുതവണ വിവാഹിതനായിട്ടുണ്ട്. എല്ലാ ഭാര്യമാരുമായി വിവാഹമോചനം നേടി. ഒരു മകളും മൂന്ന് ആൺമക്കളും ഉണ്ട്.
ഈ വാര്‍ത്ത കൂടി വായിക്കൂ ജയറാമിന് യുഎഇ ഗോൾഡൻ വിസ, നന്ദി പറഞ്ഞ് താരം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
