ബോളിവുഡ് നായികമാരുടെ സൗന്ദര്യ സംരക്ഷണ രീതികളൊക്കെ ചിലവേറിയതാണെന്നാണ് പൊതുവേ ഉള്ള ധാരണ. വിലകൂടുയ ബ്രാൻഡുകളുടെ ഉത്പന്നങ്ങളും കോസ്മെറ്റിക് ചികിത്സയുമൊക്കെയാണ് സൗന്ദര്യം നിലനിർത്താൻ ഇവർ ഉപയോഗിക്കുന്നതെന്നാണ് ആരാധകർ കരുതുന്നത്. എന്നാലിതാ തന്റെ പ്രിയപ്പെട്ട ഒരു ഫെയ്സ് പാക്കിനേക്കുറിച്ച് പറഞ്ഞിരിക്കുകയാണ് നടി അനുഷ്ക ശർമ.
പ്രകൃതിദത്ത ഫെയ്സ് പാക്ക് ആണ് നടി പരിചയപ്പെടുത്തിയിരിക്കുന്നത്. ആര്യവേപ്പില കൊണ്ടാണ് ഇത് ഉണ്ടാക്കുന്നത്. രണ്ട് സ്പൂൺ ആര്യവേപ്പിലെ പൊടിച്ചതും ഒരു സ്പൂൺ തൈരും ഒരു സ്പൂൺ റോസ് വാട്ടറും ഏതാനും തുള്ളി പാലുമാണ് വേണ്ടത്.
ചേരുവകൾ എല്ലാം ചേർത്ത് കുഴമ്പു രൂപത്തിലാക്കിയ ശേഷമാണ് മുഖത്ത് പുരട്ടേണ്ടത്. പാക്ക് ഉണങ്ങുമ്പോൾ കഴുകിക്കളയാം. ചര്മത്തിന്റെ തിളക്കവും മിനുസവും നിലനിർത്താൻ ഈ ഫെയ്സ്പാക്ക് സഹായിക്കുമെന്നാണ് ഒരു ഫാഷൻ മാസികയ്ക്ക് നൽകിയ അഭിമുഖത്തിൽ അനുഷ്ക പറഞ്ഞത്.
ഈ വാർത്ത കൂടി വായിക്കാം
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ