ബിജു മേനോനെ നായകനാക്കി രഞ്ജിത്ത് സംവിധാനം ചെയ്ത ചിത്രമാണ് ലീല. ഉണ്ണി ആർ എഴുതിയ ലീല എന്ന ചെറുകഥയെ ആസ്പദമാക്കിയാണ് ചിത്രം ഒരുക്കിയത്. ചിത്രത്തിന്റെ തിരക്കഥ ഒരുക്കിയതും ഉണ്ണി ആർ ആയിരുന്നു. എന്നാൽ 'ലീല' സിനിമയുടെ തിരക്കഥ താന് എഴുതാന് പാടില്ലായിരുന്നു എന്ന് പറയുകയാണ് ഉണ്ണി ആർ. മലബാര് ലിറ്ററേച്ചര് ഫെസ്റ്റിവലില് സംസാരിക്കുകയായിരുന്നു അദ്ദേഹം.
'ലീല കഥ തന്നെയായിരുന്നു നല്ലത്. പാളിപ്പോയതാണ്. അത് ഞാന് എഴുതാന് പാടില്ലായിരുന്നു. സിനിമയെന്ന നിലയ്ക്ക് ലീലയില് ഞാന് ഒട്ടും തൃപ്തനല്ല. ആ കഥ തൊടാതിരിക്കുന്നതായിരുന്നു നല്ലതെന്ന് എനിക്ക് പിന്നീട് തോന്നിയിട്ടുണ്ട്. സ്വന്തം കഥകള് സിനിമ ആക്കാതിരിക്കുന്നതാണ് നല്ലതെന്ന് തോന്നുന്നു. പലരും കഥകള് സിനിമയാക്കാന് ചോദിക്കാറുണ്ട്. ആത്മാവ് ചോര്ന്നുമെന്ന് തോന്നാറുണ്ട്.- ഉണ്ണി ആർ പറഞ്ഞു.
2016ലാണ് ലീല റിലീസ് ചെയ്യുന്നത്. ബിജു മേനോന് ചിത്രത്തിലെ പ്രധാന കഥാപാത്രത്തെ അവതരിപ്പിച്ചത്. പാര്വതി നമ്പ്യാര്, വിജയരാഘവന്, സുരേഷ് കൃഷ്ണ, ഇന്ദ്രന്സ്, കരമന സുധീര്, ജഗദീഷ്, പ്രിയങ്ക എന്നിവര് മറ്റു പ്രധാന കഥാപാത്രങ്ങളെയും അവതരിപ്പിച്ചു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ