തെന്നിന്ത്യയില് ഏറ്റവും താരമൂല്യമുള്ള നടിയാണ് തൃഷ. ഏറെ ആരാധകരുള്ള താരം ഇപ്പോള് മലയാളത്തിലേക്ക് എത്തുകയാണ്. ടൊവിനോ തോമസ് നായകനായി എത്തുന്ന ഐഡന്റിറ്റി എന്ന ചിത്രത്തിലൂടെയാണ് തൃഷ വീണ്ടും മലയാളത്തിലേക്ക് എത്തുന്നത്.
താരത്തെ നായികയായി പ്രഖ്യാപിച്ചുകൊണ്ട് പോസ്റ്റര് പുറത്തിറക്കി. ടൊവിനോ ആണ് തൃഷയെ ചിത്രത്തിലേക്ക് സ്വാഗതം ചെയ്തുകൊണ്ട് പോസ്റ്റ് പങ്കുവച്ചത്. തൃഷ നായികയാവുന്ന മൂന്നാമത്തെ മലയാളം ചിത്രമാണ് ഇത്. ഹേ ജൂഡ് എന്ന ചിത്രത്തിലൂടെ നിവിന് പോളിയുടെ നായികയായാണ് താരം മലയാളത്തിലേക്ക് എത്തിയത്. മോഹന്ലാലിന്റെ റാമിലും തൃഷയാണ് നായിക.
അഖില് പോളും അനസ് ഖാനും ചേര്ന്ന് സംവിധാനം ചെയ്യുന്ന ചിത്രമാണ് ഐഡന്റിന്റി. ഫോറന്സിക് സിനിമ വിജയമായതിന് പിന്നാലെയാണ് ഇവര് ഐഡന്റിറ്റിയിലൂടെ ഒന്നിക്കുന്നത്. മണിരത്നത്തിന്റെ പൊന്നിയിന് സെല്വന് 2ലാണ് തൃഷയെ അവസാനം കണ്ടത്. വിജയ് നായകനാവുന്ന ലിയോയും താരം എത്തുന്നുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ