കഴിഞ്ഞ ദിവസമാണ് തെലുങ്ക് നടൻ രാം ചരണിന്റെയും ഭാര്യ ഉപാസന കാമിനേനി കോനിഡെലയുടെയും ജീവിതത്തിലേക്ക് ആദ്യത്തെ കൺമണിയെത്തിയത്. പതിനൊന്നാം വിവാഹ വാർഷികം ആഘോഷിച്ചതിന് പിന്നാലെയായിരുന്നു ഇരുവരുടെയും സ്വർഗത്തിലേക്ക് കുഞ്ഞ് രാജകുമാരിയുടെ വരവ്. ഇപ്പോഴിതാ കുഞ്ഞമായി മാധ്യമങ്ങൾക്ക് മുന്നിലെത്തിയ രാം ചരണിന്റെയും ഉപാസനയുടെയും ചിത്രങ്ങളാണ് ശ്രദ്ധനേടുന്നത്.
ഇന്നലെ വൈകിട്ട് അപ്പോളോ ആശുപത്രിയിൽ നിന്ന് പുറത്തേക്കിറങ്ങിയപ്പോഴാണ് രാം ചരൺ മാധ്യമങ്ങളോട് സംസാരിച്ചത്. താരദമ്പതികൾ കുഞ്ഞുമായി നിൽക്കുന്ന ചിത്രങ്ങളും വിഡിയോകളും ഇതിനോടകം ഫാൻ പേജുകളിൽ നിറഞ്ഞുകഴിഞ്ഞു. ഉപാസനയെയും കുഞ്ഞിനെയും നന്നായി നോക്കിയ ആശുപത്രി അധികൃതർക്കും കുടുംബത്തിനായി പ്രാർത്ഥിച്ച ആരാധകർക്കും താരം നന്ദി പറഞ്ഞു.
ജൂൺ 20-ാം തീയതി രാവിലെയാണ് കുഞ്ഞ് ജനിച്ചത്. സംരംഭകയും അപ്പോളോ ആശുപത്രി ശൃംഘലയുടെ ചെയർമാൻ പ്രതാപ് റെഡ്ഡിയുടെ ചെറുമകളുമാണ് ഉപാസന കാമിനേനി. അപ്പോളോ ആശുപത്രിയുടെ ഇപ്പോഴത്തെ വൈസ് ചെയർപേഴ്‌സൺ കൂടിയാണ് ഉപാസന. കുഞ്ഞിനായുള്ള പേര് കണ്ടുവച്ചിട്ടുണ്ടെന്നും ഉടനെ അത് പങ്കുവയ്ക്കുമെന്നും രാം ചരൺ മാധ്യമങ്ങളോട് സംസാരിക്കുന്നതിനിടെ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
